بغيت اسالكم
انا عندي قرحه في الرحمه وايد صغيره انزين ولما كان عمر ولدي 8 اشهر قالت لي الدكتوره انه القرحه بروحها اتروح عقب ما افطم
وعندي افرازات ومرتيت سرت الدكتوره مره قبل 5 اشهر ومره قبل شهر ونص وفي المرتين سوتي فحص واخذت مسحات وعينات وقالت لي الدكتوره ما عندج لا التهابات ولا اي مرض الافرازات الي عندج طبيعيه قلت لها مستحيل طبيعيه قبل لا احمل واربي ما كان عندي جي قال لت لي مستحيل
المهم
الدوره خصلت عندي من 5 ايام زصارت الافرازات الي تنزل عندي وايد يعني الفوطه تمتلي شيه كامل يعني كل ما ادخل الحمام الله يعزكم احصلها متروسه وغير جي احس لما ينزل
قلولي شوها ما حد يقلي طبعي لاني مب مقتنعه
اما عن القرحه انا قريت في النت انه لازم تنكوى والدكتوره كل ما اسير لها قالت بتخوز بروحها
شو رايكم
كانت فيني قرحه وشليتها والحمدلله ارتحت …لا تتأخرين عن تكبر زياده لان مع الاهمال بتطلعلج سوالف انتي في غنى
عنها…وترا شي كوي بتبريد يعني اموورج كلها بتستووي اووكي ف دقاايق^^
ماتشوفين شر ان شاء الله
انا الاسبوع الي ياي او لما تجدد البطاقه بسير عند غيرها
مع اني الى سرت عندها دكتوره شاطره والكل يمدحها
انزين دامها صغيره ماعطتج تحاميل ؟؟؟
انا فيني صغيره بس دكتورتي عطتني تحاميل مال ست ايام بس اذا مانفعت فيها التحاميل لازم كوي ,,,
سيري عند غيرها لان من كلامج افرازاتج زايده واااايد وهالشي مب زين