غدانا اليوم عيش ابيض ودياي بالروب تطبيقي =)

السلام عليكم ورحمة الله وبركاته ..

الله يسلمكم البارحة طلبت من الخوات عن طريقة الدياي بالروب .. واليوم سويته ع الغداء .

اخليكم مع الصورة ..

شرايكم ؟؟

الطريقة على طلب الخوات ..

تسلموون حبيباتي ..

الطريقة :

حطي مع الروب ثوم مهروس ،،
وملح وفلفل اسود وفلفل أحمر ،، واشوية بهار ..
واذا عندج الكاري حطي بعد ..
واعصري لومي بعد
و اتسوين الخلطه فليل ..
واتحطين الدياي فيها ،، وتحفظينها فالثلآجه لين باجر
بيكون الدياي اتشرب الروب صح ..

اليوم الثاني ::
واتحطين الدياي فالفرن ..
وتقدرين اتحطين ويا الدياي بصل امقطع شرايح ..
وكم طماطه امقطعه من النص بس او شرايح ،،
وبطاط شرايح عريضه
وكوسا << اذا اتحبين الكوسا ..
وجزر ..

والعيش تسوينه بالطريقة العادية ..

تفورين العيش ف الماي .. عقب تحمرين بصل ويكون لونه ياي ع الاسود ..
وعقب ما تحطين العيش على نار هادية .. تحطين فوقه البصل الي حمرتيه ..

والدياي طبعا ف لفرن ..

بعد ما يستوي .. تحطين الدياي فوق العيش ..

وبالعافية عليكم ..

يم يم يم يمي
ليش ما عزمتيني….

هني وعافيه الغاليه

شكله يشهي ما شاء الله

ماشاء الله .. يوم قريت عنوان موضوعج ( غدانا اليوم .. عيش ابيض ودياي بالروب ) سمعني ولديه 8 سنين قالي امايه نفس غدانا …
تسلم يديج روووعه

ميروووه

شكله يميميميمي

بالعافية عليكم ..

بس حطي طريقة الدياي عشان الكل يستفيد..

هني وعافيه ان شاء الله
نبقي طريقه الدياي لوسمحتي