غسالة لها بابين في المنام

عند كتابة الحلم لابد من توفر هذه المعلومات
-العمر.43 سنة
الحالة الإجتماعية :متزوجة
الجنس: أنثى
الحالة الدينية مع الصلاة وغيرها من أمور الشريعة. اصلي الحمد لله
هل يعاني صاحب الرؤيا أمراض روحيه .؟ لا
المهنة : ربة منزل

2762105
شفت بمنامي انه كنت بمطبخ ماما و في طاولة بالمنتصف وكانت ماما واقفة و عم تاكل خبز و عليه مشاوي نص رغيف بتحط عليه لحم مشوي و كانت الخبز مسقسة بمرقة اللحم المشوي و انا كمان شفت انه عم حط على رغيف مدور رق واحد شي مثل صوص او سيروب ازرق طعمه حلو و صار يشرشر عالارض و كنت انا على رخامة المطبخ عم ساوي الساندويشة و شفت اختي شذى كمان لفت نص رغيف و اجت اختي فرح قلنالها تعالي كلي قال ما بدها و بدها تعمل دجاج و بدات تعمل و بعدين شفت ارض المطبخ مليانة غسيل وسخ و الطاولة و الرخامات و المجلى مليان شي مقرف و حسيت اخواتي ما بدهم يشتغلوا و ينظفوا قمت شمرت و بدات الجلي و بعدين صرت شوف الملابس امسكن مشان افرزهن لقيت برنص او كيمونوا لزوجي اسامة قلبته طلع بجيبته محرمة و فراطة مصاري و عقبين سيجارة ( الغسيل الوسخ ليس ملابسنا اغلبهم كنزات اول مرة بشوفهم و بعدين شفت حالي بغير مطبخ و شفت اختي شذا عم تساعدني و كنت حاطة بالغسالة غسيل ابيض و لقيت شذا حاطة ملابس ملونة فوقهم مع انه فتحة غسالتي من تحت لقيت في غسيل نابق من فوق و في باب للغسالة من فوق قلتلها شو هاد انا بابي من تحت استغربت انه لقيت الغسالة لها بابين قالتلي بالمانيا نحنا علمناها لام عمر و الغسيل مو ملابسنا و اغلبهم قرميدي و ابيض و ازرق و ما بقي غير شوي بالارض و صار نظيف و بالمنام خفت انه الملون يوسخ الابيض كان ناصع البياض بس لقيت ما عم يختلطوا و كان الملون على الوجه.

انا مبارح كنت خايفة اتحاسب بقصد ذنب شرب الدخان و بصلاة الفجر تذكرت امي و صورتها يوم ماتت و دعيتلها و رأيت المنام.
ام عمر هي أم خالد طليق اختي .حماة اختي السابقة متوفية الله يغفر للمسلمين و المسلمات و المؤمنين و المؤمنات الأحياء و الأموات

تمت الموافقه
خيرا نتلقاه و شرا نتوقاه
ان صدقت الرؤيا
بشارة لك برزق و فرج همك ان شاء الله و ربما الوالده
تحتاج للدعاء و الاستغفار و الصدقه
و الغساله لها بابين فرج لك و بشارة بزوال هموم تعاني منها والله اعلم