عندي استفسار وياليت تساعدوني ..
انا حابه اسوي فحوصات عشان اطمن من ناحية الحمل والانجاب لاني وايد افكر واحاتي هالموضوع وقلت احسن حل اروح عند دكتوره واسوي فحوصات وبخلي ريلي بعد يكشف عشان لاسمح الله اذا في مشكله او شي نكون عارفين ونعالج الامر ….
.والحين ابا منكم الي تعرف كيف يسووون هالفحوصات تقولي يعني طريقة الفحص لي ولزوجي لاني حابه اعرف قبل ما اروح .؟؟
والي تعرف دكتوره شاطره في دبي تقولي عنها ..؟؟
الفحوصات هي عبارة عن فحص الهرمونات ياخذون منج عينة من الدم ويشوفون الهرمونات عندج
واظني في فحص لازم تكونين صايمة فيه
هاللي اعرفه
الله يرزقنا واياج عاجلا غير اجل
بالنسبه لفحوصاتج تروحين للدكتوره ثاني يوم فالدوره وتاخذ منج فحوصات دم للهرمونات
وبعد الدوره تكشف عليج تشوف اذا عندج التهابات او تكيس او ضعف في المبايض
وبالنسبه لريلج يروح لدكتور ذكوره ياخذ منه فحص دم للهرمونات وفحص للسائل المنوي
يتأكد من العدد والحركه واللزوجه
(وان شاء الله مايطلع فيج ولا في ريلج شي)
بصراحه انا ما اعرف عن دكتوره في دبي بس الغالب ينصحن في دكتوره حسنيه قرقاش..
وان شاء الله اكون افدتج بشي بسيط من معلوماتي..
والله يرزقني ويرزقج الذريه الصالحه وجميع الاخوات يااااارب
ادعوووولي الله يحقق مناي ان شاء الله
الله يرزقكم بالذرية الصالحة عاجلا غير آجلا