تذكرون موضوعي "يأني إحباط" وكنت اعبر فيه عن حزني لانه ما صار حمل الشهر اللي طاف….
صراحة ما يأني نوم من البارحة حاولت أنام بس ما قدرت وراي نشة دوام،،، أحين وهالايام عندي تبويض على حسب حساباتي وتوقيت الدورة وطول الدورة،،، بس أنا خلاص ماعدت افكر بالحمل
وسببي!!!!
تذكرت حملي الأولي كان من دون تخطيط وعوار راس يعني لا ريلي فكر بالعيال ولا حن علي او سولف معاي بخصوص العيال،،، ومع ذلك حملت ويبت اول بيبي…
أحين بعد ها لسنتين بعد ريلي ما طرا لي العيال وجم خاطره نييب لو خاطره ولد او اي شي يخص الحمل والعيال…
عاد أنا شاغلة بالي من شهر وهو ما يطري لي ها لموضوع من تزوجنا!!!
قلت يا حرمة دام ريلج ما يفكر بهالشي فأنتي ليش معورة راسج فحوصات وأعشاب وضيقة وتفكير،،، طنشي السالفة وخلج شرات ريلج لا يفكر بالعيال ولا شاغل باله،، وحتى يوم قلت له شو رأيك تسوي فحص؟؟ ما قبل وقال (أنا متوكل على رب العالمين) ونعم بالله،،
المهم قررت أني أشيل سالفة الحمل من راسي دام زوجي ما يفكر فيها…
وبس جيه ابي افضفض
يوم الله رايد لج بتحملين اكيد بأذن الله الكريم … ^^
والحمد لله والشكر عندج بيبي والثاني عادي يوصل باي وقت هي مسالة وقت وبسس …
ربي يوفقج حبوبه ويكتب لج الخير كله في دنياااج
على العموم اختي مب انتي الوحيد الياتفكرين بها الطريقه وايدات
واحسن شي سويتيه انج بطاتي اتفكرين بالموضوع
واتركي الامر والي مكتوبلج بصير سواء يبتي ولد ولا عشر
الله يرزقنا وياج فديتج
لاني سمعت ان التفكير الا دور وايد في تأخير الحمل …
وياريتني اصير مثلج واشيل فكرة الحمل يارب انا بعد ريلي ما يطري الحمل سبحان الله متوكل على الله ..
الله يحفظهم لنا يارب ونفرحهم بحملنا عاجلا غير اجلا…
وربي ينولج اللي في بالج