فطاير البيتزا على طريقة منال العالم

شخباركم يا حلوين
اليوم طبقت طريقة منال العالم في البيتزا وطلعت يمي فقلت مالي غير خواتي اخبرهم عشان يستفيدون
نبدأ بمقادير العجينه:
3 كوب طحين
1 ملعقه كبيره خميره
1 ملعقه صغيرة باكنج باودر
1 ملعقه صغيره ملح
3 ملاعق كبيره سكر
3 ملاعق كبيره حليب باودر
ربع كوب زيت
1 كوب ماء دافئ
الطريقه:
نحط في العجانه 2 ونص كوب طحين مع الحليب والسكر والخميره والباكنج باودر والزيت و الماء الدافئ ونعجن
اذا العجينه وايد لينه نحط باقي الطحين ونعجن
نتركها تتخمر حوالي الساعه
(الصراحه انا سويت طريقة العجينه اللي دوم اسويها )

بالنسبه للحشوة :
– نسخن الزيت ونقلي فيه البصل ولما يذبل نحط عليه الهوت دوج المقطع الى قطع صغيره.
– نضع الطماطم المفرومه والبقدونس والكزبره المفرومه.
– نرش شوية ملح وفلفل اسود واوريغانو
– نرفع الخليط عن النار ونضع عليه نص كاس جبن السائل ونخلط

اللحين نفرد العجينه ونقطعها بالقطاعه الى دوائر
نضع الدوائر في صينية الفرن وعلى كل دائره نحط شوي كاتشاب ونوزع الحشوه وعلى الحشوه نحط جبن موزاريلا وندخل الفرن
وبالعافيه عليكم

وهاي صورتها

اتمنى تعيبكم

تسلم ايدج ……….

الله يسلمك

وايد شهتيني

جربيها تراها وايد لذيذه

ان شاء الله بصووم بعد كم يوم وبطــبق طريــقتج وبووريج الصووره

تسلـم ايديينج الغالــيه وعساااج على القوووه