فقط ممتزوجات ومالجات ما احلل اي بنت تدش . وقولن ماشاء الله

انا من بعد ماقريت هاي القصة .. ايام ملجتي ليومج هذا وانا استغفر رب العالمين والحمد الله رب العالمين ع نعمة الزوج الصالح الطيب .. الحمد الله ..

يعني اول شيء ::

استغفري يوميا … ولا تقولين ماشفت ريلي تغير .. صدقيني بيتغير بس اصبري (ان الله مع الصابرين)

اوكي اتقفنا يا حلوة الاستغفار ..

قريت بعد قصة من كمن شهر :: ريلها يخونها بحرام وهي تعرف ها شيء وساكته ولجأت نفسها الى رب العالمين . قالت كل يوم من ساعة 12 بليل لين الفير وانا ع سجاده صلاتي ادعي واصلي انه ربي يهدي ريلي ويرد لي احسن من قبل .. قالت والله ماتريت الا شهر وريلي رد لي مثل اول واحسن .. وتأسف ريلها حقها وقالها تدرين يا فلانه انه قبل يومين حلمتج تدعين لي بالهداية .. ماذكر الحين حلمها بس كان فيه تخويف من عند رب العالمين وخبرها اني كنت اخونج وهداه رب العالمين ..

يعني يا اختي ::

دوم ادعي لريلج بهداية اذا كان يخونج . او يرمس بنات .. وانتي ساجده في صلواتج خمس ادعي ربج او قومي الثلث الاخير من الليل وربي يستجيب لكل عبد ..

اوكي اتقفنا يا حلوة دعاء بالهدايا

هي الزعل ومشاكلة :: يوم تزعلين من ريلج قولي له ::انا مسامحتك و يزاك كل خير يا فلان . وشوفي اذا مارد واعتذر لج ما اكون تاجرة عادية او العادية دائما خخخ.. واذا هو زعل منج :: راضية بطريقة اللي هو نقطة ضعفة .. طبعا كل حرمة تعرف نقطة ضعف ريلها لا تقولين ماعرف .. تراه تعرفين …. ^.^ ولازم تجربينها وووصدقيني اذا تعرفين ضعفة وهوو يحب ها شيء سووويه .. وشوفي نتايج .. يعني مثلا وحده تعرف انه نقطة ضعف ريلها هو الحضن تحضنه ..

زين قبل زواجي بعد .. خبرتني بنت عمي بقصة .. قالت وحده سعودية ترمسها دوم ع مسن وقالت لها السعودية انة ريلي يوم يروح دوام .. استغل الفرصة بترتيب البيت وخصوصا غرفة الخاصة فيهم .. قالت ارتب الغرفة والبيت وقالت عقب اعتني بشرتي .. يعني تستخدم خلطات للجسم وتبييض والنعومة وكل شيء وقالت عقب اسوي الغداء واستبح وريلي يشوفني باحلا صورة .. قالت يشوف فيني نعومة البياض الرقة وكل شي يعني مايشوووف لبرا ..

فانا حطيت في بالي هاي القصة وهاي الحرمة العاقلة .. فشو سويت ؟ يوم يسير ريلي دوام .. اسير احط كريمات بجسمي .. وشعري اعتني فيه .. ويشوف كل شيء فيني ولا يشوف لبرا او هايل اللي يرقصن في التلفزيون لانه ريلي مايحب يسمع اغاني ولا انا الحمد الله رب العالمين . هي وبنسبة للعطور او الكريمات جسم ماستخدمهم الا نادر لانه ريلي مايحب احط عطور فسألي ريلج اذا يحب عطور او طبيعي… .

يعني يا اختي ::

الاعتناء بنفسج .. انتي اكيد تقولين مووب مقصرة فريلي . بس ريل يحب نعومة والرقة والبياض انا ماقول البياض البياض يعني في منهم يحبون الحريم البيض وفي منهم يحبون الحريم السمر .. بس انا اقصد تفتيح لون الجسم ويكون لون واحد فاستغلي الفرصة …يوم يسير دوام او يسافر ..

انا بنسبة لي بخبركم بجدولي يوم يسير ريلي دوام .. بنسبة للكريمات ::

البس شورت قطني وادهن بفازلين ويا كركم .. لمده 3 ساعات او 4 ساعات ..
للظهر والجسم.. استخدم كريم جلسوليد + ملعقتين قهوة مطحونة .. وبعد سبوح .. استخدم سائل الجلسرين وياه قطرة ليمونة .. وبس ..وهاي خلطة قريتها من النت وطبقتها التفاصيل تحت ::

مكونات :
5 – جلسرين سائل
4 – ملح .. انا ماستخدمة وياه الخلطة ..
3 – 2 معالق قهوة مطحونه
2 – عصير حامض
1 – علبه جليسوليد الأحمر

نخلط الكل ماعدا الملح
نشطف بالماءعلى الجسم و الوجه و بعدين نحط الخلطه على الجسم كلو و نسيبها نص ساعه
و بعدين هنجيب الملح و ندعك بيه جسمنا و الخليط عليه لسه بحركات دائريه و بعدين نغسل الجسم بالماء الدافىء
و بعدين ندهن الجسم و الوجه بشوية جلسرين سائل + قطرة حامض
————————————————–

وممكن في 3 ساعات او 4 ساعات يا ارقد يا اشرف ع بشكارة تنظف الغرفة ..
يووم احس ريلي بيظهر من دوام هو يتصل ويقول لي انا ظاهر ..
ع طول تستبحين ..بنسبة لي ماحط كريمات او عطور الا نادر لانة ريلي مايحب الا طبيعي الريحة .. ولازم تسالين ريلج كيف يحب ريحتج بالعطور او كريمات او طبيعي ..
واحط كريم ds waiting يجنن تراه .. احطة بروووحة للجسم كامل .. اذا مارمت اسوي فازلين وكركم وخلطة الظهر والجسم ..

وعليج بخلطة الوية والرقبة .. تخلطين من كريم eldoquin forte + avalon +dermovate بنفس الدقيقة تخلطينه وتحطينه بويهج ورقبتج ..
سوووي خلطة الصابون .. موجودة في قوقل .. كل شور استخدمي الخلطة صدقوووني فظيعة هاي الخلطة … فظيعةةةةةةةةةةةةةةة
تسوين رياضة اذا حابة ..

^.^ يعني يا حلوة الاعتنااااااااااااااااء …

في حريم ماشاء الله عندهن عيال ومايهتمن بعمارهن او مايردن لريايلهن مثل قبل ..

انا اقول هاي حرمة يبالها ضرب خخخ ليش ؟؟ حلاتة يوم عندج عيال وتهتمين بريلج اكثر عن قبل …البسي واكشخي له .. طبعا مابيقول جدامج .. بس في خاطرة بيقول ..يوم يابت عيال تغيرت من ناحية شكل والحنان وجي ..

يعني يا حلوة اعطي وقتج لريلج وشاركية كل حياتج

امي تقول دايما الريل ترومين تخلينة حبيبج طول العمر اذا //

ماتتصل لريلها دايما وتزعجة ..
ماتحرمة من طلعة وياربعة ..
ماتتطلب وايد اشياء ..
ماتضايق ريلها اذا رد من دوام ..
يحب يشوف الزين فيج دوم ..
اكسبية بالكلمة الطيبة ..
اعتني فيه مثل الطفل ..
لا تشكين فيه ..
لا تخلين شيطان يكون بينكم ..
امدحية قدامه وقدامنا وقدام هله .. يكبرج في عيونه .. صدقها والله
لا تقولين له انت مقصر فيني وهو اصلن موب مقصر ..
خليه مشتاق لج دووم ..يعني ثقلي ..

والله اني مسكت ع نصايح امي .. وحمد الله رب العالمين ريلي مثل ماباه .. والله حتى هو اللي يزعجني بالاتصال والمسجات يوم يكون عند رييايل وحتى في البيت يطرش لي مسجات واذا كنا عند الاهل يطرش والناس يفضحونا .. والله يا حريم .. لاني دعيت بايام ملجتي ولهاليوم انة دوم يسخر لي زوجي وكل يوم اقول ..
اللهم جملني في نظر زوجي .. وجمله في نظري .. واجعلني قرة في عينه .. وهو قرة في عيني .. وصب محبتي في قلبة صبا صبا .. واجعله دائما مشتاق لي .واجعلني حبيبتة وخليلته دنيا واخرة ولا تجعل اي امراه في حياته الا لي .. وابعد عنا بنات الحرام وعين الحسد .. يارب .. كل يوم اقولها وربي كريم ..

الرياااااااايل يموووتووون ع حركات ؟؟؟

هي حركات لبسج .. دلع .. الغرور .. الدفاشة .. الرقة .. البكاء لشوقة .. ………… مايحبوون كل يوم نوع واحد يعني انتي دايم دفشة او انتي دايما رقيقة .. نوعي ..

……………………………

خليه يفأجأج ونتي فأجأية .. . بهدايا // بالحركات رومنسية …….الخ .. وماشاء الله منتدى متروس .. والله قمت اشل اقكار من هني واطبقها .. حركة كوبون – حركة السرير – مسجات صباح – مسجات غرام – حركات كثيرة …

هيه :: لا تسنين صدقة .. ^.^ بنت عمي خبرتني انه كمن مرة تحلم انه وحده بتضرها ويوم فسرت الحلم قالوا ماتقدر تضرج ؟؟ قالت ليش ؟؟ قال لانج محصنة من يومج صغيرة .. لانه امها كانت تتصدق عليها بنية حماية بنتها ..

فتصدقي لنسفج وريلج ..
—————————–

صالون :::

كل شهر خصصي لنفسج دلع في صالون .. ماقصد حمام مغربي .. لانه حرام الحرمة تشووف مناطق محرمة تشوفها فيج .. انا كل شهر اسير صالون اتحنا + اشل شعر ريولي من تحت ركبة .. + الذراع + استشور شعري في صالون وواسوي تسريحة خفيفة .. *.* لاني ماعرف اسوي تسريحات في البيت … اعدل حواجبي .. (تعليق على بع خوات :: اعدل حواجبي بالتشقير موب بالخيط .. لاني ماسوي خيط .. )

يعني خصصي يوم في شهر للصالون … ^.^
هي ولا تسنين حركات الحناء (في الكتف ،… ) حركات دلع .. بس ماقول في بطن او اماكن ثانية …. واذا اماكن ثانية تراه في استكرات يبيعونها جاهزة بس حني انتي بروحج في البيت..

هي ايام دورة .. البسي واكشخي .. ولوني ظفورج وريولج ^.^ يعني موب حرام لانج بايام دورة ماتصلين طبعا هههه ..

كل اسبوع :: سوي حمام زيتي لشعرج .. في البيت او في صالون …

—————————————————————-
واجبات وتقرب لله تعالى ::

قولي لريلج :: (حابين نسير العمرة او الحج كل سنة مرة ).. ^.,^ تراه احتمال بعد اسبوع اسير العمرة .. الله يكتب لنا العمره هشهر يارب .. اتفاق بينج وبين ريلج ..

صدقة ^.^ لا تسنون ..

كفالة يتيم .. <<< ريلي ماشاء الله كافل يتيم .. ^^ حمد الله رب العالمين

بر الوالدين .. يعني معرسة قلنا .. ^.^ بس اهلج ربوج ^.^ .. طاعتهم .. زيارتهم مووب تقطعينهم في حريم جي .. هدايا لاهليج واهله .. يعني ريلي هدا لابوي بشت + ولامي عطور .. وانا هديت لامة عطور .. واهلج موب بس ابوج وامج .. لا لا لا .. خوالج وعمامج .. الخ

قومية لصلاة الصبح يوميا .. ^.^ وصلوا جماعة >>>كذا مرة صلينا جماعة .. بس لاني اقوم الثلث الاخير من الليل .. اصلي الفير وعقب اقومه .. والله اذا مثلا تاخرت ربع ساعة للصلاة يذكرني .. حمد الله رب العالمين .. معنه والله العظيم يقولي انه قبل زواجنا بعض صلواته يأخرها والحين ماشاء الله .. ليش ؟ لانه دوم ادعي لة بهدايا قبل زواجنا ..

ذكرية بالاستغفار .. قبل مايرقد ريلي .. اقوله يله بنستغفر .. ونستغفر لين مانرقد .. بعد الطعام وشراب قولية له قول الحمد الله .. ^.^

…………………………………..

طلعات ::: ^.^

اكيد كل وحده تحب تطلع وتتكشت وياة ريلها .. صح ..خخخخخخخ

هي موب لازم طبعا كل يوم طلعة .. ع الاقل في الويكيند .. البحر , البر اذا ناوين النوم هناكي , المول , مطعم , ,,, الخ ..
بس اذا ريلج قالج ماقدر اليوم اوصلج .. لا تقولين ماظهرتني .. قولية ان شاء الله ^.^ .. وسوي عشاء وتغيير في البيت ^.^

السفر :::^.^

واووو موووت كشخة .. صح خخخ ..

في اجازت ريلج .. اذا انتي وهو ع حب وفاء ومحبة .. الخ هو بيفاجاج بسفرة .. بس اذا مادية ضعيفة طبعا لا .. بس يا اختي :: اذا انتي تشتغلين لا تخلين السفرة تروح منكم بالعكس من مالي الخاص وانا اعرف انه ماديتيته ضعيفة او مديون بنظهر وبنرتاح لانه الراحة قبل كل شيء ..
واذا سبحان الله انتي ماشتغلين وهو مديون او ماعنده فلوس كافية .. اشتركي بجمعيات ..^.^ وكل شهر حطي شيء للجميعة ويوم تظهر جمعية لا تقولين بغير اثاث البيت او مدري شو ارد واكرر الراااحة قبل كل شيء ..

—————————————————

ريلج مايغااار ؟:: ..

تاكدي اذا ريلج يغار عليج بيظهر هشيء من ناحية مثلا يغار ماتلبسين غشوة يوم تظهرين من البيت..
اذا مايغار .. الحل ؟
الحل يحبج مووووت وبعدين تيي الغيرة …
يعني سووي اللي قلته فوق وان شاء الله يغاااار ..

—————————————————–

ريلج مايصرف لج وللبيت :::

لا تقولين في ويهه او من وراه انته ماتصرف شيء لنا …. ^.^ قول لي له انا ببيع ذهبي .. وبييع تلفزيون وبييع سريرنا وبييع ..,, صدقيني بيصرف عليج ..

بس اذا هو يحب رياضة مثل ريلي خخ واضن كل الريايل يحبون رياضة .. وعندكم الالات رياضية ويشوف تلفزيون ويلعب بلي ستيشن .. قولي له .. بييع هايل كلهم وووبيعطيخ خردج وخردة البيت ..

——————————————————–

وبنهاية قولن ماشاء الله …

وحمد الله رب العالمين …

احبكن في الله .. والله ماكتبت الموضوع الا عشان تفيدن عماركن .. وسري هو من رب العالمين .