فول حجر
المقادير
علبة فول مدمس
حبة بندورة مفرومه ناعمه
حبه فلفل رومي مفرومه ناعمه
فصين ثوم
ملح
عصير ليمونه
معلقه كبيرة طحينه
بقدونس مفروم ناعم
فحمه
الطريقه
بتقلي الثومة بشويه زيت زيتون وبعدين بضيفي البندورة والفلفل وبتخليهم يستوا شوي بعدين بتصفي علبة الفول خلي بس شوية من ميتها وبضيفها وبضيفي عصير الليمونه والطحينة وبتقلبيهم كويس وبتخليهم يغلوا شوى بعدين لو عندك الي بتهرس البطاطا بتهرسيهم كويس بعدين بتعملى الفحمة وبتغطي عشان تاخد الطعم وذوقوا اطيب فول واشهى نكهه وبتزينيه في البقدونس وزيت الزيتون ولو عندك حمص حب متل الصورة كمان فكره ولو بتحبي بتعملي جنبه الدقه
بصراحه عنا مطعم يمني بيعمل فول اسمه حجر كتير طيب ودايما زحمه فقلت اجرب اعمله في البيت وفعلا الفحمة اعطته نفس الطعم
وصحة والف عافيه
تسلم ايدك