في طبخة فخاطرج تعرفين طريقتها ومقاديرها حياج الله فهالموضوع ~

السلام عليكم ورحمة الله وبركاته ..~

شخباركم بنات عساكم بخير ان شاء الله..~
توني كان في خاطري اسوي عشــــا ومحتارة شو اسوي ..جان تي في بالي اكلة مرة كلتها في بيت ربيعتي وتميت افكر وافكر وافكر وللاسف ماقدرت اعرف شو مقادير الوصفة بالضبط وكلمت ربيعتي وماطاعت تعطيني الطريقة الا بمقابل فقررت اقاطعها طول حياتي ..~

المهم يت في بالي هالفكرة العجييييييييييبـــــة..

الفكرة هي : هالموضوع ان شاء الله بيكون موضوع للوصفات الي فخاطركم .. يعني مثلا تسالون عن..

1- اي طبق رئيسي شفتوه ودش خاطركم ( عيوش , برياني , صوالين و محاشي و معجنات , باستا ..ألخ )

2_ اي طبق للمقبلات او السلطات شفتوه وودكم تعرفون طريقته..~

3_ سويت او كيكة تخبلتوا عليها تبغون تعرفون طريقتها عشان تطبقونها عندكم فالبيت دايما ..~

4- مشروووبات او عصاير جربتوها برع في اي مطعم او في الكفتيريا وفي خاطركم تعرفون شو سر الخلطة هني بتلقون مكانه باذن الله..~

راح احاول اني ارد على كل الردود اول باول وان تاخرت لظروف لا سمح الله فاي عضوة تقدر تساعدني حياها الله فالموضوع بالعكس بستانس بتواصلكم وتفاعلكم وياي..~

وباذن الله هالموضوع راح يكون فيه تفاعل قوي بوجودكم الحلو واستفساراتكم القيمة

ملاحظات : بنات اي استفسار عن اي اكلة فهالموضوع فديتكم..لاتطرشولي شي عالرسايل الخاصة يزاكم الله خير

وبانتظـــــــــــار تفاعلكم الكريم