صباح الخير
في البدايه
((اقروا الفاتحه على كل روح مسلمه ومومنه فارقتنا في يوم من الايام وادعو لها بالرحمه والمغفره ))
((اللهم ارحم جميع موتى المسلمين والمسلمات والمؤمنين والمومنات الاحياء منهم والاموات ))
المهم حبيباتي
انا عندي كمن استفسار بخصوص ((اللولـــب)) حابه القى لهم اجوبه حبيباتي المجربات فيدوني وحتى اللي مش مجربه وسمعت من حد تحطلي رد بليز لان الاسبوع الياي انا بركب بس انتظر الدورة لاني جربت الحبوب والابر ومتنني وانا متبعه طريقه العزل لكن الحين ريلي يقول انه تعب وما يقدر يكمل ع العزل
وانا بصراحه ما ابا حاليا احمل ع الاقل لمده سنه لان ولله الحمد عندي بنوتين ربي يحفظهن لي وادرس وما اقدر اوقف دراستي والحمال تعب وما عندي بيت يالسه في بيت هلي وكل يوم مشاكل مع ريلي يعني بنات لا تقولن ما تبين ومنهالسوالف صح شي منكن يمكن يبن مصلحتي لكن خلاص ما اقدر …
اول استفسار انا مش عارفه اي شي عن اللولب بس طريقه تركيبه لان امي فديتها شرحت لي فابا الاشياء اللي مهم اني اعرفها بخصوص اللولب يعني فيدوني باهم النقاط والاشياء …
ثاني استفسار شو احسن نوع لولب يعني احســــــــــــــــــــــــــــــــــن نوع ؟؟؟
وثالث استفسار سمعت بنوع اسمه الهرموني (( اللولب الهرموني)) يقولون انه مضمووون مليون بالميه وماله اثار مثل اللولب العادي فشو رايكم ؟؟؟
منو جربته ؟؟ وشو طريقته وكيف يشتغل ويعني عندي وااايد اسئله بس بحطهن كل شي بوقته ؟؟؟؟؟
للعلم انا دورت عنه بالنت ولقيت عنه وايد اشياء يعني سويت عنه سيرج وحسيته وايد احسن لكن ابا اسمع كلام من مجربات ولا تعرفون ناس مجربينه …
وجزاكم الله خير
(( الله يرزق كل وحده بترد على موضوعي كل اللي تتمناه عاجلا غير اجل يا رب ))
لكن بس هو يوجع الظهر يوم التركيب بس وجع خفيف
واهم شى انج تشيكى عليه كل مدة عند الدكتورة ويتغير كل سنوات
واحسن شىء ف اللوب انج تركبينه وتنسينه يعنى تعيشى حياتج عادى مو مثل الحبوب او العوازل
واحسن وقت لتركيب اللوب هو رابع او خامس يوم ف الدورة عسب يكون الرحم مفتوح ونازل شوى حتى يسهل تركيبه
اللوب عبارةعن جسم معدنى صغير يشبه حرف T ويتم تركيبه عند فتحة عنق الرحم وفكرته انه يعيق اغلاق الرحم كاملا عند تلقيح البويضة لأن مثل ما انتى تدرى لو البويضة تم تلقيحها (حدوث حمل) يغلق الرحم نفسه وهى بداخله حتى يحميها وبذلك لا يكتمل الحمل
وافضل انواع اللوب هو البلاتينى و الفضى و النحاسى
واى استفسار انا حاضرة
بس يكون مزود بكيس يكون فيه هرمون ينفرز لمده 5 سنين ومضمون بس لو حد من البنات جربته
فديتج اللولب العااادي وايد احسن من الهرموني..
مايغير شي في هرمونات الجسم .. اما الهرموني يلعب بالهرمونات .. مب شرات العادي .. وهو مايتركب نفس
طريقة اللولب العادي….
انا عمتي مسويه اللولب الهرموني.. وماتشوف الدوره الشهريه موليا .. ومرااات اتكمل الدوره عليها شهر
انا انصحج اتركبين اللولب العادي .. وعند دكتوره ناديه اللي فبوظبي
واااايد زينه.. انا مركبه عندها من عشر شهور .. ماحسيت بشي .. ولا سوالي مضاعفات
اتوكلي على ربج وروحي عن هالدكتوررره …
^~^ ان شاءالله اكون افدتج خيتوووو
جزاج الله خير ع الرد اللي يفتح النفس
انا امايه خبرتني عن الهرموني وقالت لي شرات اللي قلتلي اياه وقالتلي ان وحده من ربيعاتها مركبتنه وبتسالي زياده عنه
ما انمصحج باللولب الهرموني لان نتياجه نفس حبوب منع الحمل (لان يلعب بالهرمونات)
انا حاطه لولب صار شهر و شوي تقريبا .. تعبت منه فالبدايه لان شي غريب يدخل الجسم و الحين خلاص ما صرت احس فيه ,,
طبعا انا حطيت النحاسي لان الدكتورة مدحتلي اياه ..
و الحمدالله مرتاحه منه لاني صليت استخاره قبل ما احطه ..
توكلي على الله و صلي استخاره ..
و الله بيسر لج امورج ..
ع فكرة طريقة تركيبه سهله و سريعه و تعتمد على شطارة الدكتورة
بس اهم شي انج اتميين تراجعيين كل فتره وفتره عن الدكتوره وبين فتره ما تقل عن 6شهوور يعني تشيكين عليه كل 6 شهوور مره ..
اما عن اللولب الهرموني ما عندي اي معلوومه عنه ..