فيزا لشراء من الانترنت

السلام عليكم
خواتي استفسار بسيط .. ابا اطلع فيزا عشان ابا اشتري من بعض المواقع عالنت ، لكن شي وايد يحذروني منها
خوفوني بصراحه
ف ياليت اللي عندها فيزا مطلعتنها من " بنك دبي الاسلامي " تخبرني شو اسم البطاقه بالضبظ وشو المميزات والرسوم
او اي بنك اخر .. اذا هي مرتاحه والرسوم مب وايد ياريت تفيدني
وبكون شاكره لكن

من بنك ابوظبي الوطني

بطاقة الدرهم الالكتروني <<<<<فيزا
هذي البطاقه تعبينها فلوس وتشترين من النت

انا بطاقتي هذي اتشرى فيها من النت واحجز الفنادق منها للسفر

وايد مرتاحه منها

كم رسومها فديتج ؟
وشي فوائد وغرامات ؟

في بطاقة من uae exchange ( الأمارات للصرفة ) قيمة البطاقة 30 درهم
أسم البطاقة ( قو كاش )
اهم شي رصيدك ما ينزل تحت 100 درهم
اذا نزل تحت 100 يحسب عليكي 4 دراهم اسبوعياً .
ما في رسوم تجديد
البطاقة معاي صارلها سنتين
لازم تسيرين مكاتبهم عسب تحطين فيها رصيد
فيلهم اكثر من 100 فرع في الأمارات
ما ترومين تسحبين منها من الصرافات داخل الأمارات ( أمنياً )
قبل انسرقت عني واستخدمها الشخص بدفع فواتير وردولياها