قرحة في الرحم . أرجوكم ساعدوني

مرحبا الغوالي… إشحالكم؟
حريم…أنا عندي قرحة واااااااايد كبيره في الرحم…. وقالتلي الدكتوره انها لازم تنكوي بالكهربا…. وفي طريقه ثانيه تنكوي بالثلج… وانا مب عارفه كيف الطريقه بالضبط
والعمليه تكون بدون تخدير
وانا وايد خايفه…. حد منكم يعرف معلومات عنها؟
وحد جرب يعالجها باسلوب ثاني؟…. ارجوكم قولولي اذا شي عياده او مستشفى يسوون العمليه ؟
ساعدوني الله يجزاكم خير

والله مادري الغالية
بس الله يشفيج ويفج عنج البلاء

هلا الغاليه …
انا صارتلي قرحة ف عنق الرحم ,, وتقريبا كان 90% .. اذكر رحت العياده اليوم الاول ,, والدكتوره سوتلي زراعه علشان تشوف حميده ولا خبيثه الله يعافي الكل ,, وطلعت حميده … واليوم الثاني سويت الكوي بالحراره .. كنت خااايفه وايد ومكبره الموضوع ,, خفت اكثر من الولاده >_< ,, وخليت ريلي يدش وياي والدكتوره تضحك علي .. والله ما اجذب عليج ما كملت 5 دقايق الا وهيه مخلصه وما حسيت بشي ,, حطتلي مخدر انا طلبته مع انه قالتلي حتى بدون مخدر ما بتحسين بشي ,, بس اللهم شميت ريحة كأن لحم ينحرق >_< وخلاص بعدين .. لا عوار ولا شي .. وعطتني مرهم وتحاميل ومضاد … ومنع الجماع مدة شهر … اول يومين نزل شي مني لونه بني ,, وبعدين خلاص .. ولا كأني سويت شي وافتكيت من العوق الفظيع اللي كان اييني اعوذ بالله منه …
وبعد شهر راجعتها وقالتلي خلاص كل شي سليم ,, ومارسي حياتج بشكل طبيعي ^_^
لا تخافين فديتج وتوكلي على الله … ما تسوى الخوف صدقيني ..
انا تعالجت عند الدكتورة كاميليا ف مركز الامير ف بوظبي ,, عاد الحين خلاص طلعت منه ..

هاي تجربتي .. وما تشوفين شر يا الغاليه …

الغاليه أنا مسويتنها لا تخافين والله أني كنت خايفه من الموضوع بس في النهايه طلع مايسوى …
هن الدكاتريه يخوفونك بس على الفاضي ….
كل الموضوع بيخلص في دقيقه وهن يسمنها عمليه ….
وأي سؤال أنا حضره على الخاص …..

السلام عليكم

لاتخافين ولا تحاتين عادي ربيعتي واختي بعد عادي نفس ماقالت لج الاخت

بس تعالي الدكتوره كاميليا موجوده في الشارجه

ولا عندج اختها موجوده في الامير الطبي دكتوره ميريان سوي عند وحده منهن

ما سويت بس اللي اعرفه ان الكي بالتبريد افضل وماله سلبيات