ياهلا بكل من ضغط " كلــكـ " على موضوعي المتواضع ^.^
اشوف الناس من يفتحون موضوع لـ يومياتهن بالدايت يتكلمون عن الماضي والحاضر والأوزان ^^
عاد انا لو فكرت اسويها احس انه يبالي مخطط هندسي على تواريخ وقرون ونزول ورجوع وحاله "^^
لهسبب راح اختصر حالتي …. ^^
لكن .. في بداياتي قبل 5 سنوات تقريبا كنت 104 ونزلت للـ 72 ( مع نيوترشن )
بعدين رديت للـ 90 "^^ومن رديت للـ 90 بديت ادخل القسم وتعاونت ويا البنات على النزول
والصراحه بفضل الله اولاً بعدين فضلهم قدرت انزل لـ 71 ^^
كانو خير رفقه لي وكنا صدق صدق حماس وتشجيع لبعض ^^
واخوهـ ^_^
قطعت .. سافرت ورديت وابتلشت بالجامعه .. والحين وصل وزني 81
من 71 لين 81 ……….!!!
قلت لا لا لا ما بسكت عن عمري ارد للـ 90 مره ثانيه التووبه …. >< =(
والحين بمشي على نظام معين لمده اسبوع
وهو الامتناع عن النشويات و الالتزام بالبروتينات والخضرا ^^
واكيد راح اكثر من الماي .. اما بالنسبه للـ رياضه فـ على حسب الأوضاع
لأنه راح يصادف فتره امتحانات الفاينال "^^
هدفي الأول 75
الثاني 70
ملاحظه : ترى والله اشتقت لأيام الدايت لأنها نظام وترتيب لليوم ..
والانسان يحس انه مرتاح نفسيا وخفيف فالحركه ..
رجوعي للدايت مب بس حب انه يكون جسمي حلو ورشيق لا ..
لكن شرات ما قلت نظام + راحه .. =)
بنات : اللي حابه تسأل اي شي يخص الدايت اذا قدرت اساعدها بالسؤال بساعدها
لأن احس انه صار عندي خلفيه زينه من زود ما رحت لدكاتره اول =)
البدايه >> 3-1-2017 يوم الاثنين ^^
وحيــــــــــــــاكن ,, تابعونــــــي ^^
وبنتابع يومياتك
تقريري مب منظم << من اولها ههههههه
لا كل السالفه اني نويت اسوي دايت الساعه >> 2 الظهر << جزت الغدا "^^
حمستني ربيعتي وقلت يالله بسوي
كل المشكله اني تريقت شيبس هههه
الريوق
واحد شيبس
الغدا
ربع توست اسمر + مرتديلا
العشا
شوربه + روب
الماي 500 مل
لأنه اول يوم وقرار دايت فجائي مو منظم
ان شاء الله الأحسن فالايام اليايه ^^
بس أختي يومج فيه أكل خفيف وايد وفطورج مب صحي
لو تزيدين صحن سلطـة بالغذا يكون كبير يكون حلو
وفي نفس الوقت فطورج خليه فواكه اذا ما تبغين نشويات ^^
بس لا تجوعين عمرج لإن بتنزلين بسرعـة وبترجعين بسرعـة ^^
ربي يثبتج أختي 
منوره القسم
يالله شدي حيلج من اليوم وان شاء الله لهدفج الاول والثاني والوزن المثااالي
والله لو كل بنوتاات يرجعون واعضاء قروبنا يرجعون شرااات قبل يكون احلى
وربي يوفج
يومج اليوم حلو
بتااابعج يوميااا
وربي يوفج
وماقول غير يعل ربي يوفقش ..