قصتي مع صدري والرضاعه

مرحبا اشحالكم خواتي؟ ^ ^
انا صار لي تقريبا شهرين وشويه مربيه قبل ما اخلص الاربعين يوم بفتره صار لي ورم صغير ف صدري مع اني ارضع طبيعي انزين ف راجعت الدكتورة قالتلي التهاب وعطتني حبوب مضاد حيوي استخدمتها يومين بعدها قمت احس بآلام شديده بصدري ركضت ع المستشفى قالولي لازم تتنومين عندنا وتنومت قاموا يعطوني مضادات حيويه بالوريد خفت عني الآلام لكن الورم تم مكانه آخر شي قالولي لازم جراحه طلعت من عندهم لاني مب مقتنعه بالعمليه
ما خليت مكان ما راجعت ف راك و المستشفى الايراني ف دبي وعيادة خاصه بالفجيرة كلهم قالولي لازم جراحه
مستشفى الفجيرة الحكومي الوحيد اللي قالي ما تحتاجين جراحه وهذا كيس لبني متجمع و يحتاج وقت لين ما يروح!!!! ف الدكتور قالي يوم بتخلصين بتفطمين البيبي تعالي و راجعينا
بس المشكله انا مب متخيله يعني كيف بيتم ف صدري هالورم طول هالفترة؟؟!! انا خايفه انه يأثر علي؟!!
" مع العلم اني ارضع طبيعي "

حد صارله مثل ما صارلي؟؟؟ او بشو تنصحوني اسوي بهالحاله وين اراج وين اروح؟؟
ما تتخيلون كيف انا تعبانه نفسيا وجسديا من كثر ما اراجع ف المستشفيات
جزاها الله خير اللي بتساعدني

اذا خذوا منج عينة وطلع ورم لبني

خلاص لا تحاتين ..

أهم شي ياخذون عينه من الورم ..

والله ماعرف شي
الخوات بيفيدنج ..
لكن سيري عياده ثانيه واذا قالوا جراحه
قوليلهم ان المستشفى قالوا كيس لبني .. خلهم يفحصونج مره ثانيه
و موفقه ^,^

بحكم الخبرة في مستشفى الفجيرة لاااااااااااا تعتمدين على اللي يقولوونه

ليش ما تروحين مستشفى خليفه؟؟؟

فديتج لااا تهملين روحج

و ان شااء الله ان شااء الله ان شااء الله ما يكون فيج الااا العافيه ياااارب

يارب اشفيهاا و ريح بالها ياااارب

مـآعندي اي فكره
ربي يشفيج

ما عندي فكرة ربي يعافيج الغالية ..

أنا اختي استوالها ورم بس ما كانت ترضع بانتظام
و سارت مستشفى زليخة و سولها عملية و شالوه
و الحمد الله عقبها ارتاحت وااااااااااااااااااااايد