قصتي ويا الربى

..
سرت المستشفى كان نص الشهر عسب نزلي دم وكان فيني ويع خفيف ..
وسرت من الخوف لاني كنت تقريبا فبدايه السابع وكنت بكر
ومن غبائي كانت هاي المره الـ5 الي ينزلي فيها دم وكل مره اقول عادي
لانه بدون ويع >>خطأ لانه هذا يدل على انه المشيمه بتنزل
المهم
اترقدت من يومها شهركامل فالمستشفى
عسب المشيمه كانت نازلهو ماكانت تغذي البيبي والماي عندي قليل
( كنت ادري من اول حملي سالفه الماي )
فماكان الولد يتحرك لانه الماي قليل ولان حوضي كان ضيق
فلازم اتم تحت الجهاز ويتمون يراقبون البيبي لانه احتمال يوقف الغذاء عنه ويموت ..
وعقب الشهر كان يوم الاربعاء حولوني لقسم الولاده
لانهم حاسبين لين يوم السبت وعقب بتتوقف المشيمه من تغذيه البيبي وبيموت فكان لازم اربي قبل وكان هذا الفير وسولي طلق
بس انا الطلق ماخلى عيني تغمظ من الويع .. اربع تحاميل وابره فالوريد على مراحل
ويع فضييييييييييييييييييييييييع وانا فيني الربو وكان عندي سكر حمل
ويطلعلي دم وماي
بس مافتح عندي الرحم>كيفه مايبا مب غصب
. وتميت امشي فالمستشفى وانا اصيييييح
وكل شوي ايلس عا الارض من الويع ريلي يقلي قومي الريال يطلعون
قلته خلهم وارد امشي وماقدر اكل نفسي لايعه ..بطني فارغه
لين الجمعه المغرب >>متخيلين ثلاث ايااااااااام وانا اموووووووووووت
وعالمغرب انا كنت خلاااص خالصه ماقدر اتنفس ماقدر اتكلم ماقدر اتحرك مووووووووووول
وعقب يت الدكتور مواطنه قالت البنت بتروح عليكم لازم انحولها ع اغرفه العمليات
وخالتي الله يرحمها ماطاعت مصره اني اربي طبيعي
وانا كانوا يشلون ايدي وطيح الالم قتلني لدرجه اني ماحسبه وماقدر ازحم عسب اربي..
ميته بعيون مبطله ..القسم كله عرفني >استوت مشهوره
وريلي حذالي يصلي ركعه وراء ركعه فديته ويدعي وخالتي وعمتي ..
والسسترات 7 وعقب عالساعه 8 قالوا بنحطها مخدر عسب ترتاح . وبناخذها عاغرفه العمليات
عطوني ابرتين مخدر وماتخدرت > سبحان الله>>شفتوا ع كيفهم عسب جيـه الرحم معاندنهم
قمت وقعدت قلت يوعانه ابا اكل >>خخخخخخخخخخ ماشي شغل
وييني ويع قوووي ويرووح وارتااح واسولف وشغاله زواااع>>وعع لوعتكم خخخ
عالساعه 10 يت السستر قالت بفحصح ويوم فحصتني قالت 8 سم
والراس طااالع >>سبحانك يا الله
والقسم كله تيمع السسترات والدكتوره ..>جرس الانذار
والله والله ماحسيت فيه يوم طلع
زحمت مره وقالتلي الدكتوره ارتاحي وتمت تضحك فويهي …
وارتحت واسولف وعقب قالت يلا >نسيت اني بربي
وريلي على راسي يشجعني وزحمت المره الثانيه وظهر الولد
وارتحت وعقب زحمت المره الثالثه
الا الدكتوره اتقلي بس خلاااااااااص الولد شليناه خيستينا>>سبحانك يا الله>وانا شو عرفني مش كنتوا تقولوا
رحمني ربي . وماحسيت >لا اله الا انت
وعقب نقلوني لقسم مابعد الولاده >>مطوله الشيخه
وتميت فيه 6 اياام واكثر زواري الدكاتره والسستراات خخخخخخ
محد متوقع اني بعيش عقب الي استوالي
تقلي الدكتوره اشوفج السنه اليايه خخخخخخخخخخخخ
ويبت بكري وكان وزنه 1800 جرام سالم معافى في 31 اسبوع ويومين
والحين عمره 3 سنوات ونص يوم اتذكر اصيح ..
ماشي قسم رابع اممممم لاخلاص عالبيت وحرمت احمل

وعقب سنتين و9 شهور سرت اربي مره ثانيه فبنوتي>> ماقلتي حرمتي
كل السسترات عرفوني >>يحليلي
والاستشاريه اتقلي فلااااانه اشحال البيبي ومدري شو
صح تعبت سرت 2 فليل وربيت 10 ونص الصبح
بس كان الم طبيعي شرات باقي الحريم
بس تعبت حزه طلعتها لانها اول ما ظهر راسها ..
رد لوراء>مستحيه لبنيه
وتموا ساعه يعفصون فبطني عسب يرد يطلع
وطلعت فديتها سالمه معافاه في 36 اسبوع و6 ايام
والحين عمرها 9 شهور ماشاء الله
وعقب سنتين الاقيكم خخخخخخخخخخخخخخخخخ

همساات
(يوم اتربين ويقصونج قولي لدكتوره تخيطج زين مازين او حد من هلج يوقف ع راسها )
وعقب مابتحتايين لا لتضويقات ولا لغيره >>مجربه

وحذاري اتربين على ايادي السسترات ماشي قولي الا اتيي الدكتوره
ترى بيلعبون فيج وبيقصونج غلط ..

ويوم اتحسين فالويع لاتسيرين المستشفى الا وانتي خلااااااااص
عسب مايتمون كل شوي يفحصونج اريحلج فالبيت
وامشي ماتوقفين ايلسي ارتاحي وردي امشي

عقب ماتربين الماي الدافي والملح سويه ثلاث مرات فاليوم
لين اتخلصين الـ40
وادخني بلبان ومر يومياا
وادخني فعفص الـ15 يوم الاخيره

ومرهم ميبو ماتقطعيه سويه عالخياطه الـ40 يوم
وعقب الـ40 ولا جنج مخيطه

حزام الشد لاتكسلين وتخلينه.. يوميا البسيه صبح وليل بتحصلينه فالصيدله
مريح وعقب مب جنج طالعه من الـ40 البطن ممسوحه

هاي قصتي ويا الربى ..
الله يسهل على كل حامل ولادتها
ويرزقج كل محرومه ويفرح قلبها