قطعوا رزقي والسبب النقاب

من كم يوم كانت عندي مقابلة في ……
وسرت وانا منقبة طبعا
ودخلت المكتب اللي بتكون فيه المقابلة وكانوا اثنين اللي بيقابلوني
المدير والنائب وانا وياهم , وكنا بروحنا في المكتب والباب مشرع ( مفتوح )
لين الحين الامور تمشي عادي ..
قام المدير وسكر الباب , وقالي اختي شلي النقاب
لازم نشوف ويهج قبل ما نبدأ وياج المقابلة
اقسم بالله العظيم , ان هذا كلام المدير نفسة , والنائب مسكت ما قال ولا كلمة
استغربت واندهشت من طلبهم !!
جان قلتوا من البداية نحن ما نوظف المنقبات ,, مب اتسكر الباب واتقولي فصخي النقاب !
انا رفضت بشدة , وما رضيت اخون زوجي من وراه واكشف ويهي للغريب عسب وظيفة
ويوم سمعني قلت جيه , والله العظيم قام من مكانه , وفتح الباب على مصراعية , وقال تفضلي اختي شوفي لج مكان ثاني يوظفونج , وعطاني اوراقي بدون ما يشوف شهاداتي وخبراتي
وانا طالعة عقيت كلمة علية من الحره اللي فيني
وقلتلة خل زوجتك تتكشف جدام الرياييل
والله لين الحين مقهووورة منه , ابغي اسوي شي بس مب عارفه شو

استغفر الله

صرنااا ف زمن العجااااايب

اتوقعي اكثر عن جي
في هالزمن

لآ حول ولآ قوة آلآ بآلله ..

آلنآس مـآ قآمت تحب آلحشمه .. ><

آنزين جآن قآل من آلبدآيه مب يسكر آلبآب وخلآف يقول شلي نقآبج ..!

خلي وظيفتهم لهم .. آن شـآء آلله بتلآقين وظيفه ثآنيه جريييب ..

!!!

معقوووله لهالدرجه ؟؟

آلله يعينج آختي ..~ ويرزقج بوووظيفه ثانيه عاجلآ غير آجل ..~

لا حول و لا قوة الا بالله
الله يرزقك وظيفة محترمة و يوفقك يارب

حبيبتي من ترك شي لوجه الله عوضه بخير منه

الله يوفقج ويستر عليج دنياا وأخرة يااارب