قلبي يعورني ودموعي على خدودي .

كيف الحال؟؟؟
أن شاء الله مرتاحين ….

ماعندي حد أقولها عن الي في قلبي عن الي محزنني ويمكن تقولون عني ماعندي سالفه أو هاي ماشي هامنها غير الدنيا وبطارنه بس والله أنقهر يوم تقولي حرمت أخوي ……………….

أنا متزوجه جي من خمس أشهر سرت يا ريالي اونه شهر عسل مع حرمت أخوه واخوانه سافرنا بلاد عربيه ووسكنا معهم …. وكل مكان معهم وبعد ساكننين في بيت واحد مع أخوانه ومش ماخذه رحتي وأنا أم أسبوع…
ودرينا وكله ويالسه في البيت ولا مره سرت مع ريالي مكان حلو نفسي أسير لو حتى البحر ويياه وأيلس شوي بعد ريلي ريال طيب وايد ومش مقصر معاي بس كله ميلسني في البيت مثلن يرد من الدوام يرقد او ماأيي يسيرالعزبه ويريد الفليل وسيده راقد وإذا قلت له سهر معاي ياب ألف عله ……
ومره قلت له أبا اسير أشتري هديه حق حرمه مربي كل ساعه يأجل وبعدين قالي مب لزم وعطيها فلوس كان ماعندي فلوس وماعطيتها ….ومره قلت له ودني للأماره ثانيه سوالي طاف مع أني بس كانن ها الطلابات الطبتهن والحين استحي أقوله ودني والا أي شي لانه بفشلني ولان أستحي ويوم أيي عند أهلي والله أن هم أي هم خواني يوم أقولها يودوني مايقولون لا… أنا أحب ريلي بس والله أبا أحس أني مثل أي عروس …. ومرات أفتشل من اخواته لانهن هن الي يودني السوق يوم يسيرن …. والله حتى الاجازة نفس الشي ماأشوفه .. الله المستعان .. الله يهديه …

والله لين الحين أستحي منه … أدري أنه ماشي حل ….. بس والله كان كافني الي ياني من قبل … والله أني كل ليله دموعي على خدي منه اهماله لي ….. وأصبر شوي أسوي أقول دوم هاي الدنيا شو بستفيد منها

لاحول ولا قوة الا بالله …..

وبث ^_^

حاولي فديتج تكسرين حاجز الخجل

لانج ان تميتي ساكته بيتعود الريال وبيعيبه هالشي

ربي يسعدج

هذا رايي ودايما اتكون هذي نصيحتي حق كل انسانه محتاجة ريلها ينتبه لها ولحياتها ويهتم بها .. ترى مو الحرمة الي مل مايقولون ينقص عليها بالكلام حتى الريال يحتاج الكلام الحلو..

الله يوفقج ويوفق زووجج

المشاركة الأصلية كتبت بواسطة ميثة بنتي

فديتج الغالية وهي وااااايد صعبة خاصة وانتي بداية زواجج ..اعذري ريلج يمكن بعده ما مستوعب انه ازوج وعنده حرمة ..بس اقولج الحرمة الي تقدر اتغير الريال وااايد بنات شراتج وهن الي غيرن ازواجهم.. نصيحتي سويله حركات رومانسية طبعا منتدانا ما يقصر وعطيه هدايا خليه يحس انه غالي وعزيز عليج وطرشيله مسجات حب وعشق مب شرط كلام شعر اكتبيله احبك مالي غنى عنك انت كل حياتي مالي غيرك سوي ليله حمرا وخضرا وصفرا خليه يحس بقيمتج واشكثر انتي اتحبينه واتعزينه خاصة وانت تقولين انه وااااااااااااااايد طيب .. كل ما اييج البيت حاولي انج ما تزعجين ودني وييبني وحطلي ترى الريال ما يحب احد يامر عليه واذا قالج لا قولي خلاص انت زوجي وغالي مالي غيرك لازم اسمع رمستك الي مثل العسل وانتي بقلبج بتموتين وتبين ترحين الكان الفلاني .. والله يوفقج وطمنينا على حالتج .. خلج ملكته وخليه يحس فيج بانوثتج وحركاتج ودلعج..

هذا رايي ودايما اتكون هذي نصيحتي حق كل انسانه محتاجة ريلها ينتبه لها ولحياتها ويهتم بها .. ترى مو الحرمة الي مل مايقولون ينقص عليها بالكلام حتى الريال يحتاج الكلام الحلو..

أختي أنا أسوي كل هذا ….

بس ماشي فايده يقولي دوم أنا مقصر معاج , مع انه يعرف انه مقصر مايسوي شي ….

هو الله يهديه بعد عاق المؤوليه كلها على هله ….. فهميه انه طلباتج هـــــــــــــــــــو اللي لازم ييبها لج مب خواته ………….. والله يوفقج غناتي ولااااااا تشلين فخاطرج وادعي له بالهدايه