انا عمري 22 من جرييب داخله هالعمر انا ف قمة الإحباط ولا اعرف شو الحل من وانا صغيره وانا عندي زيادة ف الوزن وزني 91 و طولي 161احلا ايام مرت علي كانت كلها في الثنويه والجامعة بس للأسف مرت علي وانا في هل لوزن أحلا ايام حياتي ماتقضت الا بالسخريه والضحك علي والملابس الوسيعه صرت اكره الطلعات السوق. الأعراس عمري ماشريت لي فستان ولا عندي اصلا فساتين لاني اطلع فيضعه وما حصل قياسي اخر فستان لبسته كان عمري 14 سنه وبعد كنت أمتن وحدة بين بنات العايله ف عام 2024 قررت اسوي حميه وفعلا نجحت وأول مره وزني. يصير 70 كيلو شو كثر فرررحت حسيت أني إنسانه انولدت من اول ويديد بس بعد ماتهنيت ف رشاقتي ومحد كان مهتم اصلا الا اهلي وربيعااتي تفرقت عنهم يوم كنت اتخيل عمري اني بضعف وبستوي كيوت مثلهم وبنطقم ويا بعض فاللبس والشله عقبها يلست مدة ف البيت وتفرقت عنهم طلعوني من الجامعه عسب معدلي نزل ورديت اخس عن قبل المهم من بعدها تأثرت نفسيتي واااايد ورديت كل الوزن اللي خسرته مع اضطرابات ف المعده وحموضة يعني متنت زاد أني مرضت وحالياا اتعالج بأدوية الحموضة والقولون بس مأخذ دوا القولون لانه يبالي. نظام اكل معين المهم انا الحين صارت لي فتره قاطعه الحميات والدايت خلاص احس ماله داعي اضعف أحلا ايام حياتي راحت مع المتن شو الفايدة الحين اضعف واستوي رشيقة !!!!!!! واللي عرست وحضرت غرسها جني عيوز عمري 80 سنه واللي تخرجت من الكليه ومارحت من الأساس لانه ما عندي شي علا قياسي البسه الحين منو بيفتكر لو ضعفت منو بيعرف اصلا يمعات وطلعات الأهل ماروح وحتا جامعه ماروح ولا اشتغل عسب اقول بضعف ولا حتا محيره عسب اتحمس واتشجع يعني حياتي فاضيه مافيها اجتماعيات كرهت عمري وحياتي ونفسي ساعدوني بنات لو بس بدعوة وحدة انه اضعف واستوي رششيقه نفس خواتي وبنات عمي وعمتي بس بعد اقول شو الفايدة طافت سنوات ومناسبات وااايد من عمري الحين يايه اتكلم عقب شو الله كريم يس بنات خاطري اعرف الجيم اللي ف مردف اب تاون. فيتنيس شي جي اسمه هل هالجيم عود انا استحي اصراحه لو كان صغير كيف بسوي رياضه جدام البنات بليز افكر اشترك من باب الفضول حتا لو فتره بسيطه اللي راحته وجربته تخبرني لاني رحت من فتره بس سويت جوله علا الجيم الموجود ف العربي سنتر بس ماحبيته صغيرررر من داخل وكان زحممممه حسيت بضيج وماسجلت فيه ماعندي مكان اسوي فيه رياضه وحتا لو بشتري اجهزة ماعندي مكان نحن ساكنين ف شقه لمدة مؤقته ف حتا حوي ماعندي للأسف والسموحه مره ثانيه بليز بنات مابغغي ردود جارحه بس دعوة لي تكفيني ولج بمثلها ان شالله
اسفه طولت عليكم ملاحظة انا مب صاحبة النك
انج تخففين الوجبات اللي تاكلينها
اشربي ماي وايد عالاقل 2 لترين فاليوم
الرياضه ثم الرياضه ثم الرياضه وبالذات المشي
خلي عندج عزيمه قويه وان شاءالله توصلين للوزن المثالي
موفقه
بعدين لا تمين تفكرين بالإحباط و اليأس !! أصلا" ما بتستفيدين شي غير التوتر و تعب القلب
اشتركي ف نادي اطلعي و امشي
خلي جدامج ملابس على زنج اللي تبين توصلينه و كل فترة جربي وشوفي كيف كم يبالج ليت تقدرين تلبسينه
سيري عند دكتورة تغذية او عام أي شي و سوي فحوصات شاملة و اسألي شو الرجيم المناسب لج
لا تخبصي فأي شي ،، و تاكدي اذا يناسبج الشوربة الحارقة خبريني و بمشي معاج خطوة بخطوة (:
تقولين أحلى أيام عمري راحت شو الفائده أضعف وانتي تؤه عمرج 22 !!
عيوني أحلى الأيام تؤها إن شاءالله بتيي
تحدي عمرج خاصه أنه إنتي بنوتة وفكري فالمستقبل عمرج صغير لو أتقوين عزيمتج بس
بسرعه بتضعفين وحطي فبالج كل ماكبرتي كل ماكان أصعب تنقصين فتلاحقي فديتج
وخل عنج اليأس هذوه الجسمي كان وزنه فوق 150 ويطلع يغني ويستطرب
ههههههه أدري مثال غبي بس بغيت أوصلج أنه. الوزن الزائد مايكون عائق في حياة الإنسان إلا إذا قرر بنفسه أنه يخليه عائق لكل شي حلو بالدنيا
حبيبتي حاسة فيج و أدري انه شعور صعب و متعب
و بعدين شو أنا كبرت و أحلى أيام عمري راحت , أنصدمت من كلامج توج 22 العمر جدامج
أممم و بعدين مافي دافع تنحفين أنزين صحتج مو دافع قوي يخليج تنحفين ! ثقتج بنفسج مو دافع يخليج تنحفين , و جسمج يلي هو أمانة عندج ما يستحق أنج تحافظين عليه , و يالله ياما و ياما ناس متان عايشين حياتهم عادي لا تييأسين رحمة الله كبيرةة .
و تعرفين أنتي غلطتي لما سويتي ريجيم ( حرمان من أكلات معينة و الانتظام على أكل معين و … ) لأنج كل ما بتسوين ريجيم يمكن تنحفين بس صدقيني بتردينهم بأسرع وقت , أنتي يبالج نظام حياة يديد , يبالج أنج تثقين بنفسج و ترفعين معنوياتج أول شيئ ثقي بربج و ادعيه و لحي في دعائج و قولي يا رب نحفني بلا ضر أنت أرحم الراحمين و عليج بالاستغفار و سورة البقرة و ييبي ورقة و فلم و سجلي هالنصايح و اعملي فيها و إن شاء الله تنحفين 
كلي بس باعتدال ( تخفيف بالتدريج ) يعني مثلا عادتج تاكلين صحنة عيش مليانة أول أسبوع نقصي منها ملاس الأسبوع الثاني نقصي ملاس ثاني و جي لين ما معدتج تصغر و تتعود أما أنج تقطعين عنها الأكل مرة وحدة تحسب أنها في مجاعة فتخزن الأكل يلي تاكلينه مهما كان سعراته شوية ..
رياضة ثم الرياضة ثم الرياضة على الأقل 3 أيام في الأسبوع أمشي لمدة 30 دقيقة , تقولين لي وين أمشي فجي التلفزيون و أمشي بمكانج مالج عذر و رياضة البطن سويها قبل النوم 25 مرة و زيدي مع كل أسبوع
شرب الجاي الأخضر أو الكمون أو الزنجبيل أو القرفة يعني مثلا اليوم شربي قلاص كمون و باجر شربي قلاص زنجبيل و إلي عقبه اشربي قرفة أو على راحتج خذيلج واحد من هذول و اشربيه يوميا بانتظام ( مع الأيام بتحسين أنج نقصتي )
السلطات لا تقطعينهم ابدا تدرين شلون قبل ما تاكلين اي وجبة رئيسية مثل االغدا ابدي بالسلطة كلي صحنة سلطة و بعدين كلي العيش بتحسين بشبعع
الماي أبدا أبدا لا تشربينه اثناء الوجبة يا قبلها يا بعدها بنص ساعة او ساعة و كثري منه لترين في اليوم على الأقل ( تقريبا 4 علب من المسافي الصغير ) و لا تسهرين لأني قريت دراسة أن السهر يمتنحتى لو ما كليتي شيئ و القومة مبجر تنحف حتى لو كليتي كل شيئ و السر في أن عملية الغيض تنخف فليل فما تحرق الاكل أما الصبح فتكون في قمة نشاطها و لازم تفطرين علشان تخلينها نشطة و إذا ما فطرتي راح تخمل بعد فترة و مثلا بعد رمضان خلي عندج قاعدة أكل بعد الساعة 8 ماشي و امشي عليها لمدة أسبوع و الأسبوع يلي بعده أكل بعد الساعة 7 و نص ( فليل ) ماشي و جي كل أسبوع لين توصلين الساعة 6 أو 6 و نص
سمحيلي على الكلام المتلخبط , بس تحمست وياج خخخ ردي حماسج حبيبتي الدنيا ما تسوى أنتي عايشة لعمرج عيشي حياتج ما عليج من كلام الناس كلامهم ما يخلص عليج بعمرج رفعي معنوياتج بعدج بعز شبابج و إن شاء الله تنحفين و تتزوجين و تعرفين شو يعني جملة أنج في بداية حياتج
و ملاحظة علشان تعرفين أنج بعدج صغيرة أنا أعرف حريم في الثلاثينات وعلى مشارف دخول ال 40 يبون ينحفون و عادي محد قال فيهم راح عمري وبالمتن و على آخره أنحف !!!
يالله قدامي أشوفي سيري فتحي موضوع يومياتج أو تعالي في يومياتي ( ياية لك يا حلم دام في قلبي سنين ) نتشارك أنا و أنتي و ننحف مع بعض بصحة و سلامةة
سمحيلي على الإطالة