شلوكن خواتي شو اخباركن شو حال عيالكن
مادري خواتي شو رايكن بقناة طيور الجنة
الاول شفتها زينه يتابعونها عياليا خلاف زادت عند حدها فيها موسيقى مش اناشيد مادري حسيتها انها تعلم العيال الرقص
ما قول انها ممب زينه لكن فيها شي مش حلو هي الموسيقى وو وصاروا يغنون اغاني حسيتها للكبار ممب للصغار
مادري هذيلا اطفال حلو يسمعون اناشيد فيها تمثيل رسوم او اطفال
هذا راي غديت ماحبها واحاول اودرها عن عياليا معنهم مدمنين فيها بس بحاول اني اودرها عنهم من دون مايحسون اني احرمهم منها لان كبار يفهمون الكلام اللة يساعدني على التربية الصحيحة الي ترضي رب العالمين
حتى انا بنات اختي مااشاااء الله حفضييين الاناشيد كلها
احسه اووكي في مثل عن الام وعن الاب وعن الفواكه واحلى شي عندي مال الفلسطيين وخاااصه بنووته يووم تتدعي يالله شو اندمج وياااهااا شكلها كيوووت
احسن من تووم جري وربعه وخاااص ف يقنا سبيستون وام بي سي 3 الي مااامنه فااايده عيااال اختي يقلدوونهم كلنهم ميااانييين
وهذااا انشوووده احسن من غناااوي كلالام كبااار مال العشق وهاااي السوااال
هذا رائ
تحياااتي
حطيلهم قناة براعم..
حلوه
تصدقين حتى ريلي وهو ساير الدوام يردد اغانيهم ..من كثر مانحن متأثرين بهالقناة..خخخخخخخخ
بصراحه انا احب هالقناة لانها تفيدهم ياحيها احسن عن شخبط شخابيط وغيرها..
وبعدين تعليمية..(تعلمهم كيف يسمعون كلام امهم او يتغسلون وغيرها) انا ولدي العود والله ماخذ الاشيا الزينه منهم ..وانا الاحظ اخوه الصغيرون من يشوف اغنية الكتكوت والبندوره الحمرا يستانس ويسكت لو كان يصيح..هههههه وااااايد مريحتني ..
شوفي ياقلبي انا من النوع اللي اتابع مع عيالي سواء كرتون او طيور الجنه..يعني يوم يطالعون التلفزيون اكون وياهم او اذا كنت برى البيت اخلي وحده من البشاكير تيلس وياهم..
تابعيهم وماعليهم خووف ان شاء الله 
وأختلاف الراي لايفسد للود قضيه
الصراحه هاي القناة علمت عيالنا نحن يالخليجين رمسه هب رمستهم
هي زينه للعرب بس هب الخليجين
شو يابابا سناني واوا .. يابابا تيلفون ..
ياختيه هب زين نعلم أعيالنا لهجه هب لهجتنا وموروث هب موروثنا ..وعقب أعيالنا ما يعرفون شي من أغانينا التراثيه
وهي في الأخير هب أنشوده أغنيه .. عيل الأولى أنعلمهم أغانينا التراثيه
الصراحه ما أحب هالقناه ولا أحب أغانيها وهاليهال إلي فيها شاقين القاع وقايليين أمباع
عندهم جراءه غريبه صراحه ,
ما أعتقد أنهم مثال صحيح لعيالنا بالنط والأغاني .
أفضل قناة براعم هاديه وفيها شي مفيد .