انا عندي الطريقه لوحده من الاخوات
واعذريني ماقدر احط اللنك لانه من منتدى اخر بس بحط الطريقه والصور
والطريقه للامانه للاخت عمر_المحبة من منتدى حواء
كب كيك ( كيكة الروب)
المقادير :
كوبين طحين – كوب و ربع سكر (البنت كانت حاطه كوب ونص بس او مره جربتها حسيت وايد سكر) – كوب زيت – علبة روب ( زبادي ) الدواريه – 4 بيضات – ملعقة طعام ونصف بيكنج باودر – ملعقة صغيرة فانيليا
الطريقة :
يخلط الزيت والسكر حتى يصبح كالكريمة
نضيف الروب ونخلط جيدا
نضيف البيض واحدة تلو الأخرى مع الفانيليا ونخلط لمدة دقيقتين
أخيرا نضيف الطحين المخلوط بالبيكنج باودر ونخلط لمدة دقيقتين
يوزع الخليط في أوراق الكب كيك حتى المنتصف
يخبز في فرن متوسط الحرارة حتى ينضج
يحمر الوجه ويخرج من الفرن…
——————————————————————–
نصب العجينه للنص…
استخدمي اي حلوى عمانيه عندج ..
بعد ماصبينا العجينه كامله نحط في صحن ،،الحلوى ونقسمهن شرات اللي فالصورة
نحط شوي من الحلوى في نص العجينه،،لج الاختيار اذا حابه تكثرين من الحلوى … الصورة توضح اكثر
نظغط شوي عالحلوى عشان تنزل
انا سويت نص بالحلوى ونص بدون شي …هـذي بالحـــلوى،، قصيت الكيكه من النص عشان تنشاف قطعة الحلوى..
ومثل ماذكرت الطريقه للامانه للاخت عمر_المحبة من منتدى حواء
وان شاءالله تكون الطريقه اللي تدورين عليها
^_^