مرحبا .. شحالكم فديتكم
اليوم على العشاا سويت كباب شامي مع صلصته الخاصه الحاره وطبعاً هـ الاكله
معروفه في المطبخ الايراني .. ان شاءلله تجربونهاا وتعجبكم
اولا.. المقادير لحم مفروم 2 كيلو 4 حبات بطاط و2 حبه بصل و2 بيض .. وبهارات مخلوطه
كركم وفلفل احمر وعلبة معجون طماطم وملح وكمون وكزبره ناعمه
نغسل اللحم المفروم جيدا بالمصفاه ونخليه لحد ماينشف منه الماء
نبشر البطاط ومن ثم البصل ناعم مع بعض
بعدين نضيف اللحم المفروم عليهم
ونخلطهم مع بعض وعقب نضيف البيض
ونخلطهم مع بعض جيدا
نضيف ملعقه بهارات مخلوطه و ملعقه فلفل احمرو كركم ونص ملعقه كمون وكزبره ناعمه
ونص ملعقه ملح ونخلطهم ايضا مع بعض جيدا
عقب ما نخلطه نحطه لمدة نص ساعه فالثلاجه
يتبع
نقطع بصله واحده ونخليه فالمقلاه حتى يشقر قليلا ونحط الطماطم الناعم عليه
نضيف معجون الطماطم والبهارات
هني انا حطيه فالجدر وخليته ع نار هادئ حتى يغلظ لمده ربع ساعه
يتبع
طلعت الخلطه من الثلاجه وحطيته في المصفاه حتى ينزل السائل منه
جهزت المقلاة
خذت كميه منه وشكلته مثل ماتشوفون
وعقب قدمته مع عيش زعفران
صوره كباب شامي
مع الصلصه الحاره
ان شاءلله تعجبكم
ان شاء الله اجربه
تقبلي ووووودي
شكله لذيييييذ
الصراحة شهيتيني
تسلم ايدج على هالأكلة الحلوة
والله قاعدة احوس ادور أكلة باللحم المفروم
والحمدلله لقيت
ان شاءالله بكرة بطبق هالكباب…
مشكوووورة الغلا
دابم اتابع وصفتج
اول مره الاقي طبخه سهله
وممكن انفذها وبشكل متقن !!!
مشكوره اختي بحاول اجربها