كتب لتربية الأطفال خاصة للأمهات الجدد!! تزامنا مع معرض الكتاب

السلام عليكم ورحمة الله وبركاته…

حبيباتي مثل ما تعرفون اليوم فتح معرض الشارقة للكتاب.. وحابة اروح واخذ لي كمن كتاب عن تربية الاطفال..

خاصة اني حامل وبجر.. بس تعرفون الحرمة بالأشهر الاولى تكون مول مالها بارظ وتكون بعد كسولة وما تبا تقرا شي..

اذا ممكن حابة تخبروني وتخبرون باجي الحوامل شو الكتب اللي ممكن يستفيدون منها بشرط تكون سهلة للقراءة وممتعة وسهلة؟؟

انا سويت سيرش ولقيت هالكتب ( ميزتها انها بسيطة وسهلة وبنفس الوقت مفيدة)..

اول كتاب : هو 2024 طريقة لاظهار حبك لأطفال: وايد مهم عندي اني اعلم ولدي كيف يحبني ويحب غيره ويعبر عن هالحب.. (التربية بالحب) لانه انا احب امي وابوي واخواني بس للأسف ما اقدر اعبر عن هالحب باني اقولهم احبكم او حبيبتي وجيه.. لاننا ما تربينا على هالشي.. ممكن اعبر عن هالشي بالاهتمام او الهدايا بس.. ابا ولدي يكون غير لاني اشوف بعض ربيعاتي يوم يرمسون امهاتهم يقولون لهم : احبج!!

– ثاني كتاب: 25 خطأ وأسلوب مرفوض في تربية الأطفال.

– عبقرية مبكرة لأطفالنا..

– صناعة الاجيال..

اللي تعرف هالكتب تكتب رايها فيهم.. واللي استفادت من كتاب معين تكتبه.. وبنستفيد كلنا ان شاء الله..

حلو انج تثقفين عمرج بالقراءة

لكن من تجربتي الشخصية أشوف انج ما بتتعلمين تربية الأطفال الصحيحة إلا بطريقتين :

1 تسمعين نصايح الأمهات القديمات
2 بتتعلمين بطريقة المحاولة والخطأ

لأنه معظم كتب تربية الأطفال تكون أساسا مترجمة من كتب أجنبية
وتتكلم بصورة عامة .. ونحنا مجتمعنا العربي مختلف نوعا ما
وتحكمه أشيا كثيرة مثل الدين والثقافة والانطباعات الخ

ان شا الله البنات يساعدونج

وبالتوفيق

هههههههه مشكورة على ردج حبيبتي.. وصدق مثل ما يقولون اول ياهل مسكين يكون محط التجارب.. تجربين فيه كل شي صاب والا خاب.. بس بعد حرام انا اكيد بضطر اني اجرب فيه ولكن بعد ابا اتجنب بعض الاخطاء الشائعة بالقراءة عشان جيه مهم الواحد يحاول..

اما بالنسبة لنصايح امهاتنا على عينا وراسنا.. بس فيه اشيا كانت تنفع زمان اول اما الحين مع هالزمن الناس تغيرت والعصر تغير وكل شي تغير.. يبالنا تحديث شوي للمعلومات..

وحياج الله الغالية

صح كلامج ووالله يقومج بالسلامه ويجلعه من الذرية الصالحه ان شاء الله

للرفع …

فيه كتاب أسمه الأطفال المزعجون وايد حلو

حبيبتي موضوعج حلو بس ما اعرف اسماء الكتب
و ألحين صار في كتب جديدة عن التربية الحديثة و احس يوم بنروح المعرض بنشوف اللي يناسبنا
انا في رأيي بشوف الكتب اللي فيها مثل موسوعة او عن الام او عن الشخصيات(نوع الشخصية) او مثلا عن الاكل هلأشياء يعني و بعض الكتب المترجمة بعد تكون حلوة مرات
بس صبري بسوي بحث في المواقع الاجنبية و بشوف

تسلمين فديتج.. وشكرا على الرفع