كذب الأطفال

السلام عليكم ورحمة الله وبركاته
خواتي بنتي عمرها 5 سنوات الحمد الله بنت شاطرة بس عيبها الوحيد إنها تكذب
أرجوكم خواتي أللي عندها حل أقدر استخدمه مع بنتي علشان تترك هذه العادة السيئة لا تبخل علي.
و غللي ما تعرف ترفع لي الموضوع .

اووووووووووووووووووه الخير عندج وعندنا
بس هذا شي عادي بعدين يخلونه بس كلميها دايم وكافئيها اذا ما كذبت وخوفيها انج ماتخلينها او ما تعطينها اللي تباه
وربي يبارك فيها

أختي المشكلة في تسميتك للمشكلة.. ما في شي إسمه كذب عند الأطفال..أسمه خيال واسع..يعني طفل ذكي..وإذا سميتي هالتصرف كذب <<هي بعدها بعمر ما يستوعب شو يعني كذب أو إنه شي مو زين ويودي النار..فإذا تميتي تقولي كذب..أو لا تكذبي..أو إنتي كذابه..بترسخي في عقلها الباطن إنها هي كذابة وبتصير أحسن كذابة بعدين..لا يجوز تسمية أي فعل خاطىء يقوم به الطفل بطريقة سلبية..خياله واسع ويألف قصص..ما يصير نقول كذب..نقول..قول الصدق..أو إذا سرق..الكبار يسمونها سرقة..لكن مع الأطفال قوليلهم..ما يصير ناخذ شي ما يخصنا..هنا بداية الحل..في بداية المشكلة تجاهلها أفضل من التركيز عليها..لكن بعدين..إذا زادت..لاحظي في أي مواضع..وشو الهدف من عدم قول الصدق..لغرض معين..ولا بس تؤلف قصص..شوفي جذر المشكلة وعالجيه

اختي ،.،.
عندي ولد جذيه.،، شجعته يقول الصدق واكافأه عله جذيه ،…

تعبني ف البدايه لانه بو ٣ سنوات والحين عمره خمس سنوات ما يعرف يجذب لاني معطتنه الامان انا وابوه ومانخلف بوعدنا،.،. بس اذا مثلا اعترف وقال انه شاغب ف المدرسه احاول افهمه انه هذا الشي مب زين ،.،. والمعلمه بتزعل عليك وما بتعطيك نجمه ،.،