شحالكم حريم و بنات
اليوم يبت لكم اكله تايلنديه عجييييييييييييييييييبه ودايما يوم اروح تايلند كل مطعم ادخله ع طول كبتكووون
وهي نفس الجاينييز بس الذ خاصه بالعيش المصري
المهم الكميه تكفي لشخصين او ثلاث
خل نبتدي بالمقادير ^_^
-كوب وثلث رز مصري مغسول و منقوع من ربع الى نص ساعه و بعدين فوريه لين ما ينضا و اشخليه ( بيطلع الماي غليض شوي لا تخافين ههههه )
-بيضه
-فطر مقطع صغار
– عصير 3 ليمونات
-بصله مفرومه مربعات
– 3فصوص ثوم مفروم ناعم
– صبع صغير زنجبيل مقطع قطع صغيييره مربعه ( هو الطعم الرئيسي )
-طماطه
– صبعين فلفل حار و تقدرين تزيدين حسب الرغبه
-فلفل بارد اخصر او احمر او اصفر اللون الي يعجبج او حتى ترومين تشكلين ^_^
-ربيان
-ملعقة فلفل اسود + ملح + مكعب ماجي
– زيت زيتون
– صويا صوص
اضافات مهمه ولكن لم اجدها : تقدرين تحطين جذور الليمون و هو اصلا اساسي في الطبخه بس ما حصلته في كارفور خخخخ ..
المقادير و طريقة التقطيع موضحه بالصور
الصويا الي استخدمته
فكره : عشان عينج ما ادمع وايد و تحرقج و انتي تقطعين البصل حطي شموع حذالج او البسي نظارات السباحه
البيض احطي معاه شوية ملح و فلفل اسود و اقليه روحه بزيت الزيتون و بعدين افرمه ناعم و شوية قطع كبيره
نبتدي الطبخه ^_^
اولا نحط في الجدر زيت زيتون و نحط البصل و نشوحه شوي (عقولة منال العالم خخخخ ) و بعدين نحط الثوم و الزنجبيل و نشوحه شويه بس و بعدين نحط الربيان و نخليه دقيقتين
(في انواع ربيان منهم اجياس مطبوخ جاهز وهو الي استخدمته و في غير مطبوخ لو عندج النوع الثاني فوريه روحه قبل )
بعدين نضيف الطماط و الفلفل البارد و الفطر و الفلفل الحار و نخليه دقيقتين بعد ….. نضيف البيض و نشوح و بعدين الصويا صوص و نخلطهم و نسكر الجدر 3 الي 4 دقايق …
نضيف عصير الليمون و نشوح وبعدين نضيف العيش بالتدريج و تخلطهم شوي شوي عشان ما يستوي العيش عرسيه خخخخخخ .. الشكل النهائي في الجدر الصوره الثالثه ^_^
التقديم :… صحتين وعافيه
شو رايكم في الطبخه^^
تسلم ايدج على الطبخه شكلها يشهي وبالعيش المصري بعد اكيييد لذيذه
يزاج الله خير،،،
شكلي بجربها،،،