والله يابنات من عقب عرس اختي با سبوع صاريل جذي ماابي اكلم حد ولا اشوفه ومب طايجة نفسي وطول اليوم حفلة اليهال في البيت او بيت ابوي بس في الويكند دوم اطلعهم روحي سناتر مطاعم حدايق او طول اليوم مجابله التلفزيون …………. او في ايدي سبحتي وكتاب الاذكار الحمدلله
حتى مااحب اسير بيت ابوي وايد اذا ماماتي محد اذا في البيت اسير
وبس ودايم اغلق موبايلي على اساس مااستقبل اي مكالمة او احول المكالمة عخواتي مدري شو فيني ولين ييومكم هذا بنفس الحال وحتى المنتدى ماادخله شرات اول ومندوبيني يقولون لي مااالك يام رشوودي مافيش طلبيات من حضرتك حاسين بنقص لان عادي بالاول كل اسبوع اقل شي اعطيهم 40-50 طلبية اللحين مب متفيجة لشي يعني يمر الاسبوع 2-3طلبات اللهم لا حسد هههههههه
وانا من نوع احب اتزاور مع صديقاتي واهلي وصديقات امي واحب اشاركهم مناسباتهم بس اللحين نووووووووووووو
واقترح علي بوالشباب اول مايخلص من شغله انسافر برع البلاد انا وهو وبس ومن دون اليهال اسبوع نغير جو بس اتصدقون انا الي اموت في السفر ارررررررررررفض وبشدة ليش مدري.. خواتي يقولون لي روحي بنشوف عيالج لاتحاتين وانا اقولهم لاااااااااا وبقوة يقولون ياريت لو معررسات جان طرنا ملااااقيف
اول دوم انا اطبخ لي زوجي ولعيالي غداهم وساعات عشا احس بالمتعة حتى ولدي يقولي انتي يوم اتسوين لنا الاكل نحس حبج وحنانج في الاكل بس البشكارة لالالالالافديته صدمني وفرحت يوم قالي جذي
بس اللحين خير شر مااحب ادش المطبخ
واستمتع كل يوم اوديهم وايبهم من المدرسة بس اللحين امللللللللللللل ومابي اوديهم المدرسة احس اني ضايجة
اتصدقون حتى ربيعت عمري ماارمسها في الفون لا اشوفها شرات اول
اول مانش الصبح وانودي كتاكيتنا المدرسة اتشوفونا في الكوفيهات ولا نادي ولامحاضرة والظهر انرد ناخذهم من المدرسة يعني مانفارج بعض اللحين وين ياحسرتي زين اسمع صوتها بالفون
مع اني مشاركة بالقرية العالمية 3اشهر اتصدقون اني ساريتلها ب4مرات حتى القرية صارت ممله
وسجلت دورة في معهد عشان افتك من الملل بس داومت يوم واللحين مالي نفس اكمل مع اني دفعت لهم الرسوم بالكامل
عطوني حل يمكن ارتاح ؟ ولا كل شي صار ممل والروتين سوا جذي بحياتنا ملل في ملل
يبالي دكتور نفسي ؟؟؟؟؟هههههههههههه
عافكرة كل مااحط سورة البقرة واردد ورا الشيخ اتم اصيح وماروم اكمل ورااه
حسبي الله ونعم الوكيل في اي شخص يغتابني بسوء اللهم رد كيدهم في نحورهم اللهم من أراد بي سوء وضغينة فأشغله في نفسه
يمكن الروتين نفسه كل مره هو اللي سبب لج هالملل.. حاولي تطلعين وتغيرين جو.. وان شاء الله ترجعين بأحسن حال.. وكثري من الدعاء والاستغفار وقراة القران
طمنينا عليج تراج وايد غاليه..
أم رشودي
ذكري الله …..وانسى انج قلتي مادري شبلاني
انتي انسانه مؤمنه ….مساله الحسد والعين اكيد موجوده بس اذا انتي دوم تذكرين الله وماتطلعين من بيتج الا وانتي متوكله على الله ابدا لاتحطين انه فيه عين ولا حسد…..اللهم يمكن جاستج حاله من الملل والرتابه وانخلقت في بالج افكار يمكن اتوقعتي صدق صابتج
ماعليج شر
واتوكلي على الله …….نشي اطبخي غداج وانتي تضحكين ….
والله يحفظج من كل شر
ماعرف شو فينا الغالية انا ابغي حل ويااااج
الله يهدييينا