كل الناس ضدي

احس كل الناس ضدي هلي ربيعاتي كلهم خلووووني تركوني ابا حد لو يوووووم يفهمني اعز ربيعه عندي اربع سنين وياها اللي كل اسراري عندها خلتني وليتني ما خبرتها اسراري وامايه وابويه كله ممنوع وكل اللي اعزهم خلوني والله خنقوني الناس احس الموووت الحين انا بعدني 13 سنه جي احس لو كبررت شو ؟؟؟والله الليل اقعد اصيح احس اني ما استفدت شي من الدنيا يمكن القبر بظيقته احسن من وسع هالدنيا ولا نشيت الصبح اضحك لكل الناس ولا ابين لهم بس والله تعبت تعبت.

ربي يفرجهاا عليج و يزول عنج الهم والحزن

و اكثري من الاستغفاار

الغاليه انتي في عمر جييه بتحسين اني الكل مايفهمج ومحد عندج

الله ايسر اموورج

حبوبه عمرج 13 بعدج بيبي لاتفكرين في هالطريقه فديتج والله يوفقج

حبيبتي انتي بعدج صغيره خلي كل شي على الله وتوكلي عليه بكل شي مب كل شي فالدنيا حلو

الدنيا فيها المر والصعب والسهل والحلو استغفري دوم
وتعودي اسرارج خليها بقلبج لنه في هالزمن ماتحصلي الوفي والصادق اشكي الحال لله وبس
لأنه محد يقدر يسوي لج شي غير الي خلقج
الله يكون في عونج ويهديج ويفتح لج طريق الايمان آمييييييييييين يارب
وييسر كل امورج ويسعدج دنيا وآخرة

اللهم صلي وسلم على سيدنا وحبيبنا محمد عليه الصلاة والسلام

حبيبتي اشغلي وقتج بقراءه القران واستغفري ويوم يون عندج سر ولا رمسه تبين ترمسينها وتفضفضين فيها عن روحج رمسي رب العالمين هيه لاتستغربين لانه هو الوحيد الي بترتاحين له وهو الوحيد الي مايفضح اسرارج وهو الوحيد الي بتحسين براحه يوم ترمسينه
وبالاخير انتي بعدج صغيره والعمر قدامج ولا تخلين الشيطان يوسوسلج وخلج دوم متفائله

يااحيااتي بعدج نونوو 13 .. عيل شوو نقوول على الي عمره 30 و40 ومحد وياااهم ……………؟!!

مااعليه فديتج بتحصلين اكيد ربيعااات مع الاياام وبتنسين الي نسااج … ومعلوومه لاتعطين اي حد اسراااارج الخااااااااااااااااااااااااااااااااصه … كتميهاا فقلبج واشكيها لرب العاالمين

لانه ربج مارح يفضحج فيووم من الاياام … اماا البناات فمايصدقن يحصلن سررررررر علشاان ينشرنه بين الخلااايق