الحمدالله انا عندي بنتين وكلهم ربيتهم في الوصل
الاولى رحت وانا كان عندي الرحم مفتوح 10 يعني ماحسيت بمعاملتهم على طووول ربيت
اما في الثانيه وهيه المعانه رحت وكان مفتووح 6 وتعذذذذذذبت من خاطر لان كان زحمممممه
النيرس تقومن ساعه 6 الفجر كله ولادات وانا كنت سايره8 المغرب كان اول يوم رمضاان
وتعذب ومعاملتهم ابدا مايبتني والطامه بنتي راسها ارتفع فوووق ونبض نزل فضطروو يسون عمليه بس
انا مارضيت
حسيت انه لو ساعدوني شوي او حاولو ينزلونها بتدليك خفيف بينزل راسها
وطبعا انا مانتظرتهم سويت بوش على قولتهم من الخوف من العملية تميت اسوي لين ماطلعت وطبعا
ستوالي نزززيف بسب الضغط والمكان كله انقص بشكل فضيييع والله كرهت المستشفى بعد هالولاده
حتى خياااطتهم كااانت جدا زفته اعرف الخيط اطور يحطون الخيط الي يذوب وكان ها في ولادتي الاولى بس ثانيه لا يابولي خيط متتتتتينيعور وفت الخياطه + ايدها ثجيله عكس ولاتي الاولى
واللحين ابي الي ربو جريب في الوصل من خمس شهووور تخبرني كيف معاماتهم لاني حمل في ثالث اخاف اسيرلهم
ومتخوفه من الخاص لان يقوولون الخاص لو سائت الحاله يحولونج الحكومي يعني مايقدرون يسوون شي؟
او مفكره اسير عندهلي بوظبي اربي في الكورنيش فلي تدخل تخبرني عن تجربتها في الوصل او الكورنيش
موضوعج مهم .. أتريا وياااج راي البنات
الله يسهل علينا
معاملتهم وايد زيييييييينه
مبروك والحمد لله على سلامتج وسلامة البيبي ..
الوصل حظوظ .. انتي وحظج .. كل مستشفى فيه الزين وفيه الشين .. انا بنت اختي ربت فيه طبيعي كانت تجربتها نفس تجربتج .. خياطه مؤرفه ويد ثجيله لا وفي النهايه طلعت غلط وتعالوا عيدوها !! بس وحده ثانيه من هلي دخلت وربت طبيعي وكانت الولاده والنيرسات والخياطه من افضل ما يمكن .. سبحان الله ..
من قريب انا دخلته عسب اربي .. داخله بربي طبيعي وطلعت قيصري
..الاشيا لي ظايقتني عندهم انه في الاجازات عدد النيرسات يكون قليل وما يلحقن .. كنا في الجناح 18 غرفه كلهن فل واربع نيرسات فقط .. والجرسات ما توقف كل الغرف من يعديهن عشر من الليل دقن حق النيرسات .. وكل اليهال يصيحون .. ها الاربع بيلحقن على منو ولا منوه ..
ثاني شي سالفة غرف الفي اي بي هاي.. 3 وعليهن طوابير من هنيه للشارجه ويقولون لج ضغط ويوم بتفظا بنخبرج .. ومناك ايي حد ثاني يعطونه الحجره اذا عنده واسطه !! وبس 3 انزين زيدوا العدد خصصوا غرف زياده للناس هاي دام عليها اقبال !!
ثالث شي .. قسم الرضاعه الطبيعية .. وااااايد حلو ويساعدون المربي اليديده الطمه شراتي
بس قسم الرضاعه في وادي والنيرسات في وادي .. تي النيرس تعلمني كيف ارضع الياهل .. تي مالت الرضاعه تقولي جيه غلط فيه طريقه احسن لي انتي تسوينها هاي طريقه جديمه .. اقولها النيرس علمتني جيه .. اقولها النيرس قالت سوي جيه وكلي جيه بيزيد الحليب .. تقولي غلط ما يخصه .. وعلى ها الحال .. قسم الرضاعه الطبيعيه والنيرسات في تناقض مستمر .. بغيت اقولها اول علموا نيرساتكم الصح بعدين تعالي علميني عسب يوم يعلمون الطمم لي شراتي يعلمونهن صح .. رابع شي .. سالفة الرضاعه الطبيعيه .. يا ربي ذبحونا بها انزين انا اول مره بجر وقيصريه يعني نو ميلك مليون بالميه تقولي ارضعيها احطها ع صدري طول اليوم المسكينه تصيح وترقد من التعب وتنش على امل انه فيه ميلك ماشي طبعا ويوم قلت لها شوفيلها صرفه عطيها حليب صناعي يا ربي حسيت اني مجرمة حرب مب ام لا وما يصير ومب زين انزين اخلي البنت تموت من اليوع مثلا عشان خاطر الرضاعه الطبيعية انتي عطيها الحين خل تشبع وترتاح وترقد ويوم بيطلع الطبيعي بنعطيها .. سارت يابت ورقه واقرار اني انا لي طالبه وانا المسؤوله ويت البوس مالهم وليش طالبه وفحصت وتاكدت انه ماشي حليب يا الله يا الله عطوها .. يا ربي ها الشي كرهني فيهم بنتي ياعت خمس ايام عندهم
ها الاشيا لي اذكرها وقراري بما اني قيصريه كل مره اني الولاده اليايه باذن الله بربي في الميد كير وايد احسن .. رعايتهم احسن لان الضغط ع المستشفى اقل فكل وحده تكون متفيجه تجابلج وترد ع اسالتج والغرفه اهم شي الغرفه مكان نومج مفصول عن صالة الجلوس بتعبير ادق ظهرج لغرفة الجلوس .. فطبعا للقيصريه وايد احسن تاخذين راحتج وترتاحين وتنامين حتى لو حد في الغرفه لانهم مش مجابلينج وما تتلومين فيهم وتقدرين ترضعين بنتج بدون ما يكون فيه مشاهدين .. خصوصا انه حد من الناس غااااايب عن باله المثل لي يقول يا بخت من زار وخفف .. يتحرون سايرين يقيلون في المستشفى .. من الصبح لين العصر .. انزين المربي تبا ترتاح خص لي بعمليه .. عشان يكون لها قدره ع السهر في الليل !!
الله ييسر علينا وعليج وعلى كل حامل ولادتها يا رب
الساعه سبع سويلي تخطيط وقالت النبض فوق 190 يمكن يستوي شي وتميت اشرب ماء وعقب ساعتين يت الدكتوره وفجرت الماي وحطت ابره ودقت الابره في راس بنتي وانا ما ادري كان الساعه 10 ونصف وبعدين اسمع الحريم يصرخون واللي تدعي المهم حمدت الله ان ما بيستويلي ويع والساعه 11 وربع يالي الويع وانا ميته من البرد وارتجف اول مره تستويلي ها الحاله ويتلي السستر وقالت تبين ابره قلت انزين وبعدين سارت سيره ولا ردت المهم الساعه 3 الاربه وانا يا لسه اصرخ اقول سستر تعالى اول ما يت قالت راس البيبي ودوني غرفه الولاده الساعه 3 ربيت المهم ثاني يوم خالتي قا لتلي راس بنتج جدام نقطه دم خبرت الدكتوره قالت عادي 3 يوم يالي الدكتوره وقالي ما اقدر اطلعج قلت ليش قال بنتج عندها نزيف في المخ قلت لا اتصلت حق ريلي وبعدين قالوله لا فجوه في المخ وبعدين قالو لا ماء وخلوها في العنايه المركزه لمده 10 ايام حسبي الله عليهم والحضانه مالت عليهم البنت موصخه عمرها لا غسيل ولا شي استوالها حساسيه ودوها مستشفي راشد حق الاشعه والبنت والله مخدره كله راقده حسبي الله ونعم الوكيل