كلية اكبر عن الثانية ساعدوني بتجاربكم

السلام عليكم

بنات ان في شهري الثامن وهذا او حمل لي…

سرت اليوم المستشفى اسوي صورة حق البيبي..وقالت لي الممرضة انه عند البيبي كلية اكبر عن الثانية…

يعني وحدة طبيعية والثانية كبيرة شوي…واونه بعد الولادة بيتاكدون اكثر…

بلييييز بنات اذا حد مر فيكم بهالحالة يخبرني…وبعد الولادة كان البيبي طبيعي او فيه شيء؟

ادري في المستشفيات يرمسون وايد ويخرعون وعقب الولادة كل شيء يكون اوكي بس بعد انا احاتي اريد تجاربكن يزاكن الله خير

اله يشفيه ان شاء الله

..

ما عندي فكره .. ان شالله البنات يفيدونج .. للرفع

و انتي لا تعتمدين على كلام دكتوره وحدهـ .. راجعي مكان ثاني و ما عليه شر ان شالله ..

..

ان شاء الله ما فيه الا العافيه
لا تخافي ولا تحاتي وادعي ربج
انا بنت خالتي قالولها نفس هالكلام بالكورنيش
والحمد لله عقب ما ربت كل شيئ اوكي
عقبالج يارب

لا تحاتين وانشالله ما عليه شر فديتج والله يهون ويسهل عليج بإذن الله

اختي قالووولها نفس الكلام وبعد ماووولدت بنتها كانت سليمه سبحان الله

أنا ان شاء الله بفحص في اماكن ثانية

بس بعد حابه اتطمن من تجارب البنات

الله يبعد عنا وعنكم كل سوء