=(
يمكن انتي فتحين وايد برامج و سرعة الرام عندج ما تتحمل و بالتالي تأثر على سرعة المعالج
او يمكن انتي منزله وايد اشياء على الكمبيوتر و سعة كمبيوترج ما تتحمل
هالامور الي منزلتنها و خاصة الصور تاخذ وايد مساحه من سعة الكمبيوتر..
او احتمال يكون فايروس
بس بعطيج اشياء سطحيه ممكن تساعدج في تسريع المتصفح
يمكن يكون عندج كوكيز و ملفات مؤقته وايده جربي تمسحينهم
اذا كمبيوترج بالانجلش افتحي البراوزر الي هو المتصفح الي تدخلين فيه المواقع بتشوفين فوق مكتوب لج tools
او ادوات ادخلي عليه و اضغطي على اخر خيار عندج الي اهي خصائص الانترنت internet options
بعدين بتطلع لج نافذه فيها خصائص وايد اضغطي على كلمة Delete او حذف
بتطلع لج نافذه ثانيه فيها حذف الملفات و حذف الكوكيز و غيره
مثل هذي :
اضغطي على اول خيارين من فوق خذف الكوكيز و الملفات
ملاحظه: اذا كنتي من النوع الي يسجل بالمنتديات و ما يسجل خروج هالخطوه راح تسجل لج خروج بشكل تلقائي في كل المنتديات بس عادي ترومين تردين تسجلين دخول..
و اما الخيارات الي تحت بتحذف لج كل المواقع الي دخلتي عليها الي هي delete history اذا حبيتي تحذفينهم عادي و اذا ما حبيتي تقدرين تخلينهم
وبس عقب سوي ok و سكري الصفحه و ردي افتحيها
و عندج طريقة ثانيه اضغطي على ابدء او start تحت في القائمه
و اضغطي على Rune و بتطلع لج نافذه صغيره اكتبي فيها %temp% و بتطلع لج كل الملفات المؤقته
امسحيها بس في ملفات ما بتنمسح وياج فـ خليها عادي.
بس مثل ما قلت لج هذا واحد من الحلول و الاحتمالات الي اتوقع ان هي سبب بطئ المتصفح عندج..
موفقه
