كيف أخلي زوجي يرجع البيت من وقت!!

السلام عليكم ورحمة الله وبركاته

مشكلتي تتلخص اني ما احب زوجي يتأخر برع البيت

كيف أخليه يرجع البيت من وقت بطريقة ما اضايقه فيها ولا اعصب

لاني خلاص ما تم فيي أعصاب والشي هذا باين في تصرفاتي معاه

لدرجة اني بديت احس اني يالسة اشرده من البيت ما قام يحب يجلس معاي مثل قبل

دخيلكم ساعدوني عطوني حل شاسوي

تعرفين انا كنت شراتج يتاخر برا البيت بس كلمته وقلت اكثر عن الساعه 12 ما بدش البيت خلاص اعصابي تعبت من تصرفاتك دورلك مكان تبات فيه … قالي خلاص ما بيتاخر وهو الحين اوكي اذا تاخر نص ساعه يخبلاني فلانه بتاخر..

حمدلله قام يرتب اموره

أختي أنا ما أنصحج تقوليله لا تتأخر وليش تتأخر ، ووين رحت ، وعند منو ، لأن الريال بطبيعته ما يحب هالأسئلة ، خليه يغير جو مع ربعه ، بس طبعا بحدود ، يعني انتي حاولي تجذبيه للبيت مب بالأمر والزعل ، قبل لا يطلع حسسيه بانج بتشتاقيله ، طرشيله مسجات حلوة ، حاولي تخلي البيت وغرفة النوم مصدر راحة له ، يعني كل ما يفكر يطلع إلا شوي وتحصليه راجعلج ، البسي له ملابس مثيرة ، سمعيه كلام الشوق ، يعني يا أختي هذا حلالج ، لا تقصري وياه ، بس لازم تفهميه بطريقة حلوة انه عادي يطلع بس اهم شي ما يتأخر لإنج بتكوني على انتظار ، والسموحة منج .

هيه يالغاليه انا اضم صوتي للاخت ذكريات…

حاولي بطريقه حلووه واسلوووب فنان انج تحسسينه انه وايد يتأخر بس طبعا مب بالتصرفات اللي مب حلووه والحاده

انا اقولج اطبخي الاكله اللي يموت عليها وصوريها وابعثيها له عالوسايط وعطيه 5 دقايق الا تشوفيه عند الباب ههههههههههههه
الله يكون بعونج والله بس انا اقول حببيه بالبيت مب تشردينه منه

إن شاء الله يرجع من وقت للبيت ,, و الله يسرلج إياه

حتى انا نفسج والله مادري شو اسوي لازم دوووووووم نتظارب على هالسالفة