كيف أشتري من هالموقع ؟ّ

وينكن يا بنااااااااااات

زعلتوني

حبوبة هالموقع نظامه بالمزاد يعني اتيمين تزايدين لين يخلص وقت المزاد بعدين تنباع لج
و ممكن تراسلين الشخص تخبرينه تبين تشترين على طول

السلام عليكم الغالية

شوفي الغالية انا ماخذه من قبل منه لعبة اطفال يعني قلت اجرب في العاب الاطفال دامنها رخيصة اشلون الطريقة وعقب اشوف شو اللي ابها بعد ما اكون فهمت الموضوع عدل ان شا الله ,,,

شوفي الغالية تسيرين عند الشي اللي تبين تشترينه وتشوفين كم المفروض تزيدين في اشياء تزيدين عليها درهم وفي 5 دراهم وفي 100 درهم وزيدي على هذا الاساس على السعر الموجود اصلا … وانتبهي لتاريخ انتهاء المزاد في اسبوع وفي اسبوعين وفي شهر يعني حسب العارض طبعا … انا اللعبة اللي زايدت عليها كان مدتها اسبوعين وعقب ماخلصت المدة طرشولي مسج على موبايلي لانج لازم تكونين مشتركة معاهم في الموقع عسب تقدري تشترين وتبيعين براحتج يعني عندهم معلوماتج كلها … المهم طرشولي مسج وقالولي ان المزاد رسى علي وهذا رقم العارض واني اتصل فيه عسب نتفاهم على طريقةالاستلام والدفع .. المهم اتصلت على صاحب اللعبة وهو فهمني على طريقة الدفع المتبعة في الموقع اما بطريقة سلم واستلم او بطريقة بطاقة الدفع عن طريق فيزا كارد .. طبعا ما عندي انا فيزاكارد فاخترت طريقة الدفع سلم واستلم وطرشها لي على الارامكس … وبس والحين هي موجودة في صندوق الالعاب حق عيالي …. وسلامتكم ان شا الله اني قدرت اشرح لج عدل

بس شوفي الغالية ترا اغلب الاشياء مستعملة صح في اشياء يديدة لكن في منها مستعمل علشان جي سعرها اقل عن السوق …

والله يوفقج وييسر لج الخير ا شا الله دنيا واخره

@ اختكم في الله @

انا جربت وشتريت منه بس للاسف اغلب الاشياء مستعملة

وعلشان جذي رخيصه

لو مستعمله شوي مب مشكله

مستعملات واااايد

يعني منتهيات لوووول

يقول المثل ابعد عن الشر وغنيلوو

هلا خواتي

مشكورات ع الرد

وأنا كل اللي عيبني ودخل خاطري " مكتوب عليه يديد ولم يستعمل "

new & never opened

مشتركة عندهم أنا .. بس سالفة المزايده ماعرفتها

يالله الحين بجرب وبرد عليكم ومشكووووووووووورات وماقصرتن

ربي يوفقكن جمييييع