شحالكم ^^
شو اقولكم ،، انا وحده خجووله وايد >< وهالشيء مضايقني لانه الشيء ان زاد عن حده انقلب ضده
ريلي اول ما ملجنا كان عادي متقبل هالشيء ويعرف لين الحين اني وااايد خجوله وصابر علي
يعني الحين كملنا شهر ،، بس ماقدر اقول كلام حلو الا بالمسجات ،، انا اشتاقله وجي بس ما ابيين له هالشيء لما اشوفه ابدا ،، وهو مايبادر دايما يعني احس بيننا حاجز وانا استحي اني انا اللي ابادر واكسر هالحاجز
يعني كنت يايه من السفر وهو بعد كان مسافر ومن فتره ماشفنا بعض ،، بس كان فيني جمود واستحي وسلمت عليه بس بالايد وخلاص ،، وهو يشوفني استحي مايطلب مني شيء
الحين هو يبي يحس اني مرته ويبي عواطف وجي بخاطره بأشياء معينه ،، يعني شو اقولكم استحي >< ،، والله اسفه وايد ماعرف اذا عادي اكتب هالكلمه ولا لاء هههههههه هي بحرف الباء او ق باللغة العربيه أول شيء ^^" يلا افهموو عاد ،، كيف ممكن هالشيء يصير
ابي وحده خجوووله نفسي وقدرت تكسر الحاجز ايام الملجه ،، طبعا مب بوقاحه تكسر الحاجر بس على الاقل الريال يحس انه عنده مره مب طوفه =__= لانه بدى يتضايق :"( حسيت جي
ساعدووني وانصحوني
اذا انتي ما تسمعينه ولا تحسسنيه من وين تبينه يسمع
كلنا نستحي فالبدايه
انا عن نفسي خجوله لدرجه كنت اقول شسوي وشقوله وما كنت اقوله اي شي
شويه شوي قلت لازم ابتدي انا مهما صار لازم اكسر هالحاجز بيني وبين ريلي
لاني لو تميت جي بتم طول حياتي والريال بيصبر بس مب على طول
لازم يبا يحس بالحب من زوجته
^-^ اول مره صعبه .. بعدين شوي شوي بتكونين عادي
والخجل حلوووو حبيبتي بس بحدود
حاولي ههههههه صح الكلمه غصب بتطلع اول فتره بس عادي بتتعودين
ادري انا بروحي متضايقه 
الخجل زين وشين احيانا ،، وهو المشكله مايساعدني اكسر هالحاجز يعني مثلا نادر يبادر بالحركات فكيف يباني انا اسوي شيء ،، صعبه ،، اما من ناحية الكلام الحلوو بحاول يااربي ،، ^^" صعب وااايد بس شو اسوي الله كريم ،، مشكووره اختي
اتصدقين اني ما قدرت اقوله فالويهه الا بعد فتره
بس انتي حاولي لو بالكلمات البسيطه مثلا لك وحشه او وينك كنت احاتيك بس مب بالمسجات قوليها فالويهه
ومب شرط اتحطين عينج بعينه من تتعودين على الرمسه عاد ابروحج بدبدعين له
وموووووفقه قلبي
هذا شي طبيعي ^_^
بس حاولي تطرشيله مسج بالكلام الحلو
يوم بي عندج .. مدي ايدج وسلمي عليه وبوسيه على الراس
صح بتكون البداية صعبه وبترتبكين بس صدقيني .. بس بتكون في لحظتها
يوم بقعد عندج .. حطي ايدج على ايده وعقب هو بروحه بمسكها ^_*
شوي شوي وان شاء الله بتتعودين وبيقى الخجل موجود طبيعي
الكل خذلني يعني انتي نفس حالتي ^^ حتى اني ماقدر احط عيني بعينه ،، مأساة هههههههه عييل كيف بقدر اسوي شيء ،، الله يعين والله يسهل علي يارب
ام خالد الحلو هههههههههه ما اتخييل والله ،، بس احس المفروض الريال هو يبادر حرام عليهم ليش مايحسون انه الحريم وايد يستحون الله المستعان ،، بحاول ان شاء الله
مشكورات ماقصرتوو والله حبيباتي