كيف اتحافظون على ملابسكم وملابس النونو من الحليب

السلام عليكم

كيف اتحافظون على ملابسكم وملابس النونو من الحليب

انا احط حفاظات القطن بس في الليل اوعى احصل ملابسي وملابس النونو متروسه حليب واحصل حقاظه القطن منتفخه من كثر منترست حليب

وي النهار يوم ارضعه الحليب يقطر على كمه والقماط وعلى ملابسي

وشكرا

غيري رقم الحلمة الي تعطينه اياه اذا كنتي اترضعينه صناعي

و يوم بييي يرضع حطي كلينكس او فوطة مالت mother care او مريلة

بخصوص الحلمة اذا كانت رقم 1 خليها رقم 2 و اذا رقم 2 خليها رقم 1

وعليكم السلام والرحمة
قبل ماتنامين غسلي صدرج وحطي حفاظة الثدي بيجون ( جربت انواع مختلفة لكن البيجون امتصاصه قوي)
وخلي فوطة صغيرة عدالج ( اللي على شكل مربع قد اليد ينباعن في مذر كير وبيبي شوب 5 او 6 او 10 حبات مع بعض)
وقت الرضاعة خلي الفوطة تحت ذقنه
ووقت تريدين تعدلين وضعية البيبي او ترفعينه تجدينه خلي الفوطة على صدرج عشان الحليب المتسرب ما يوسخ
بعد ماتخلصين بدلي حفاظات الثدي
بعد كم شهر ينضبط ادرار الحليب

غيري الحلمه لحجم اصغر "

انا شفت فـ?ـي مذكركير نفس قطنة الصدر بس نايلون تيمع الحليب المتسرب
بس ما اعرف اذا تنفع حزة لرقاد اتحطينها ولالا
ما عندي خلفيه لاني بجر
وممكن تستخدميها خلال النهار بدال ما الحليب يتيمع فالقطنه وتنعق تعطينه البيبي بالمرضه

اجابات البنات ممتازة

كشكورات خواتي انا ارضع طبيعي

مشكوره اختي على النصايح عندي من هالفوط الصغيره بس ما يتني هالفكره خلاص بسوي شرات ماقلتي وانا استخدم حفاطات بيجون

مشكوره اختي على المعلومه اليديده
اختراع حلو بس ظني بقز يشرب من الحليب الي اتيمع في الخفاظه