كيف اعلم بنتي عالحمام

خواتي عندي بنت من شهر كملت ثلاث سنين وتوي بادية اعلمها عالحمام مب عارفه احسها ما تستوعب يعني انا كل نص ساعه اوديها الحمام كرمتوا بس احيانااحس في بول فالبامبرز اباها هي بروحها تييني وتقوللي ماما ابا اسوي … بس ما تقول. اول ما بديت فيها لبستها هاف وكل شوي اوديها الحمام وعقب ساعه لاحظت انهامسويه ( العملة العودة) خخخ جان تلوعلي جبدي وقلت بخاطري ما ببدا بالهاف. بعلمها فالبامبرز عقب بلبسها الهاف
شو رايكم خواتي افيدوني بهالمشكلة

اشتري البامبرز الي عشكل هاف و جربي ترى حالي من حالج

انا بنتي يوم صار عمرها سنتين ونص علمتها كنت كل شوي اوديها حتى مراات كانت اتسوي تحتها .. بس عادي ارد واوديها كل ربع ساااعه وما كنت البسها البامبرز الا فاليل وقت الرقااد ..

لازم تصبرين اسبووع او اثنين عقب خلاااص بتتعلم وانتي كل شوي قوليلها يوم تودينها حمام يوم تبين اتبولين خبريني حتى لو ما خبرتج انتي وديها …

والله يعينج .. ^____^

اول اسبوع لازم تتعبين وياها
خليها فالنهار بدوم حفاظ حتى لو بالت على عمرها عادي لاتعصبين عليها بس كل شوي ذكريها بالحمام حتى وقت الاكل ذكريها بالحمام

اختي انا عندي ولد و اول شي تميت اراقبه فليل اذا يبول في البامبرز .. و كان من البسه البامرز فليل ما كان يبول الا الصبح بعد الحليب .. فا بديت معاه عقيته كل الوقت و كل نص ساعه كنت اوديه الحمام و حتى عشان ………. تم اول شي فيه امساك هههههه … بس بعد يومين سواها .. و هوه تراه اول اسبوع تعب بس بعدين عادي و لا تيأسين و تنحبطين ..