حبيت اكتب قصة ربيعتي اللي ماينعرف شو الحل للمأساة اللي عايشتها حاولت اساعدها بس مب عارفة كيييف ..هي يتيمه امها وابوها متوفين الله يرحمهم وعندها خوات واخوان …
ربيعتي متزوجة يمكن من 3 سنين اتوقع او اكثروريلها ولد عمها …والحين عندها بنتين ..تقول من اول ماتزوجت شكت فيه ان يكلم بنات .. وحتى بشهر العسل اول ماردو في وحده مغلطة على موبايله وعقب تم يسولف معاها
ومايسوي لها سالفة يشتغل بمنطقة ثانية ويرجع بالويكند …طول الايام مايتصل لها ولايسأل عنها ولا عن بناته وبنته مرة مرضت وارتفعت حرارتها وايد وهو يقول مافيها شي ومارضى يوديها المستشفى الا بعدييييين … ولا يصرف لا على حرمته ولا ع البيت … اختها تعطيها فلوس وممشية الحال بهالمبلغ وحتى العيد مرات تتم بالبيت بروحها مايي يمر عليها ولا يطلعها وتقول ماعندي ملابس يديدة ولا بناتي استحي اطلعهم للناس …و يجذب محد يعرف عنه شي وايد غامض وحتى اهله مايعرفون عنه شي …
تقوول سوالفه مرة ببوظبي صادوه يغازل وحده وانحبس والويكند ماقدر ينزل عقب ماطلع خبر ربيعتي ان اون ربيعه كان يغازل وانحبس وتم هو يراكض وراه ويحاول لين طلعه … هي اكتشفت عقب ان ريلها اللي انحبس في ناس خبروها وتقول انا اصلا كنت شاكة فيه ان هو …
ومحطي رقم سري ع الموبايل طبعا ومرة موبايلها ضاع وتلفون بالشقة ماعندها وعطاها موبايله والباس وورد وتقول شفت صووور بنات ومسجات وكلام وصخ …ويت تواجهه يطنش وعقب قال لها بتزوج عليج …. هي ماشالله عليها الله عاطنها جمااال بس هو مايشبع من البنات .. تقول لما يه يخطبني قال لاهله حلوة هالبنت اباها … وتقول عقب اكتشفت ان كل البنات عنده حلوين …يبي يكلم اي وحده …وتقول هو واحد يموت بالفلوس كان عنده اراضي وباعهم واشترا جم سيارة مااايمل وفلوسه مايصرفها على بناته ولا عليها …واخر مرة اكتشت علاقة يديدة ويت واجهته قال هذي زوجتي انا تزوجت عليج .. انصدمت قال هاي حللللللللوة ملكة جمال واهلها عندهم خير وابوها تكفل بمصاريف الملجة وهو مستانس لان مابيدفع شي … وهي تحرت ان يجذب عليها بس جافت بالجنسية انها مسجله الزوجة الثانية ….وخلاص انفجرت وخبرت اهلها راحت فترة عند اختها واخوانها حلفووو عليها ماترجع له ورفعت عليه قضية طلاق ونفقة .. عقب كل مرة تتاجل الجلسات اخر شي رجعت لشقتها تقول ماقدرت ارتاح هناك بيتي واخذ راحتي وهو ماقام يي هناك ومابخليه ياخذ البيت او ييب حرمته فيه .. وجافت عليه ديون فوق 800 الف .. وحاول ياخذ قرض 200 الف ماوافقو البنك .. تقول هني عرفت ان مالج عليها مب معرسيت يمكن ال200 حق العرس كان يباها …
حياتها معاه كانت كلها مشاكل وهو كله لاهي مع ربعه وطلعاته ومايطلعها موووووووول.. تقول مايهتم قام يغازل ويكلم بنات يدامي …خلاص مايهمه بكتشف او لا ….حتى مرة خذت رقم البنت اللي مطرشة صور لريلها .. واتصلت لها تسوي عمرها مغلطة .. وهذيك دقت سوالف … وقالت لربيعتي من وين يبني رقمي ربيعتي خبرتها ان من موبايل فلان يعني ريلها … قالت اهااا انتي ربيعته بعد .. تقول لها هي وقص علي قال بيزوجني وماتزوجني … قالت لها عادي لاتزعلين هو ربيعج بس لا اكثر هذا ياهل واحسه اهبل احسن لج ماخذتي … تقول ربيعتي انا مصدوومة من كلامها .. ربيعتي سألتها اذا هي طلعت معاه تقوووول لا بس كنت بطلع عقب مافضيت صارت لي ظروووف … تقول هالبنت ماخذه راحتها من اول مكالمة ردت ودقت سوالف وخبرتها عن وايد اشيا ّ!!!! تقول عقب عرفت انها مب حرمته الثانية بس وحده من هالبنات الي يعرفهم
تقول حياته كلها جذب جم مرة غط ويقول ماعرف وين راح تقول اخر شي اكتشفت ان بالبحرين …
وانا اقول لها اخوانج احين ماسووله شي … تقول اخر فترة كان اخوها مريض تعب المستشفى وحالته خطرة والكل انشغل والتهى به وهي هالفترة رجعت بيت ريلها عقب ماهدته ….تقول خوانها قالو لها اذا رجعتي له ياويلج ومهددينها بس تقول مابي اخلي البيت وين بروح ماعندي بيت ثاني … كسرت خاطري متحمله كل هااااا عشان ماعندها مكان تروح له…
تقول لو اهلي عايشن كنت من زمان رحت لهم وتطلقت بس ماعندي مكان والحين ماعرف اذا بيعرس والا مابيقدر عشان ماعنده فلووس .. تقول ريلها يقول لها وين خوانج لو فيهم خير خليهم يون يواجهوني … واونه مايبي يطلقها عشان مايقدر يوفر لها مسكن لها وبناتها …. جي مرتاح محد يحاسبه ومايصرف عليهم …..
تقول جم مرة سمعته يسولف مع حرمته ويخلي بنته الكبيرة تكلمها بالتلفون ويقول لها قوليانج تحبين بابا وماتحبين ماما ختولي …
ونا سألتها ان كيف اهل البنت وافقو علي الزواج وهو متزوج وعنده عيال .. تقول الله يعلم اكيد قاص عليهم قال هاي يتيمه واهلي جبروني عليها ونا ماحبها من هالكلام …..
اخر شي تقول انا بصبر وبجوف يمكن يطلق هذيك مابيقدر يتزوجها ماعنده فلوووس …
وخبرتني ان بنات من اهلها شافو مع حرمته واما بدبي ومرة جافت فاتورة لمطعم برج الحمام …تقولي انا عمره ماطلعني وهذيك يطلعها ويودينها ارقى المطاعم …
انا ماعرف شقول لها في وايد سوالف خبرتني عنه بس نسيت ماعرف شو اكتب بالضبط … ولما تكلمني عنه وتشكي ماعرف شو اقووول لها اتم ساكته واقول الله يعينج ويفرجها عليج ….
تحسوون في امل ينصلح حاله هالانسااان ؟؟!!!!!!
فاما البتيم فلا تقهر وينه من توفيق الله
مايباها يقول ماباج مب حرام لام ولا ابو وين التروح هالمسكينة
الله يمهل ولا يهمل الفرج قريب ان شاء الله
المهم التوكل على الله
الله المستعان
ما عرفت شاقول
خليها تلجأ لربها … واكيد بيسر لها امور الحل.. يا اما بالطلاق او باصلاح حال الزوج
اربيعتج علطاااااانه ليش رخصت نفسها ورجعت له..؟؟!!!! عندها خوانها وخواتها تصبر عندهم شوي لين ما ايي بنفسه وياخذها او يحلون مشكلتها خوانها…
وصيها بكثرة الدعاء والاستغفــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــار لانه مفتاح الاقفال..مجرب وقيام الليل قدر المستطاع..
..اسأل الله العظيم ان يفرج همها فالقريب العاجل ويحنن قلب زوجها عليها..
دامه وصل لهالمرحله ما بينصلح ,,