كيكة متعددة الاستخدام وكالعادة سهلة

اليوم بحطلكم طريقة كيكة سريييييييعه (( كالعادة))..

ماذكر من وين خذتها وزدت وعدلت فيها ..

وكل مره اسويها بطعم وشكل ونكهة مختلفة..

وأهم شي انهــا ..

سريــــــعة … وماتكلف شي..يعني مقاديرها دايما موجوده في كل بيت..وكلها على بعض ماتاخذ ساعة.. وخفيفه يوم تاكلينها.. وتنفع للعصرية..

جني رمست وايد..خلنا في المهم..

.. المقـــاديـــر..

– 3 بيضات..
– نص كوب سكر..
– ربع كوب زيت..
– كوب طحين..
– ملعقة طعام PB..
– فانيليا .. او هيل .. او قرفة .. او ماي ورد .. ( استخدم كل مره نكهة من النكهات واحيانا كلهم)

.. الطـــريــقــة..

– تخلطين البيض ويا السكر .. لين يتغير لونهم ..يعني من 3-5 دقايق .. واتضيفين عليهم الزيت..

– وعقبها الطحين المخلوط بالبكنج باودر .. وقبل لا تسكرين اتضيفين النكهة..

– وتدهنين قالب حجم وسط بالزبدة.. ( لما تدهنين بالزبدة ماتلصق الكيكة مب شرات الزيت)

– تحطينها في الفرن مدة 35 د…. على درجة 160…ويختلف من فرن لفرن طبعا..

وهاي صور لبعض الكيكات اللي اتذكرت وصورتها ..

https://upload.9q9q.net/file/C98txsceA/1.jpg.html

هاي كيكة بالهيل والقرفة وماي ورد .. عاديه بس لذيذة وخفيييييييييفه للعصرية

https://upload.9q9q.net/image/VSsGKFAb8/2.jpg.html

هاي بالقرفة .. يعني تقريبا حطيت ملعقتين او ثلاث قرفة ..ورشيتها بالسكر المطون وسويتها مره ثانيه ورشيتها بالحليب المركز المحلى .. وطلع طعمه جريب من السنابون ولذييييذ .. ويوم ماليبارض اسوي هالكيكة حق العصرية ويحبونها .. لانها خفيييييييييفه

هاي بلونين .. نص بالطريقة العادية والنص الثاني كاكاو مع القهوة العربية.. اللي نسويها يوميا وطلعت لذيييييييييييذة … خاصه اذا تحبين القهوة..

https://upload.9q9q.net/file/932lpkcdA/3.jpg.html

يمممم لذيــــــذة واتخبلوا عليها الشباب .. وكان هاك اليوم وايد حر .. سويت كيكة بالكاكاو ورشيته بصوص هيروشي … وحطيت وياه ايس كريم كاكاو العادي اللي بعلب بيضه .. ورشيته بالصوص.. واتخبلوا عليها ..

https://upload.9q9q.net/file/OLlGKFwXU/4.jpg.html

اخوي ياني وقالي سويلنا سويت خفيف ربيعي بي الحين .. وسرت سويت كيكة بالطريقة العادية وحطيت وياه ايس كريم المحشي بالمكسرات ورشيت عليه ايس كريم.. وقالي اخوي لذيذة الكيكة .. واربيعي وااااااايد عيبه وخذله صحنين

https://upload.9q9q.net/image/vsRIMH661/5.jpg.html

وها شكل ثاني الفواكه المعلبة..وحطيتها في الثلاجة عشان تبرد

https://upload.9q9q.net/image/3zYlpk560/6.jpg.html

قصيتها ورتبها .. وعمي عيبه الكيك ..وقال طعمها مثل السوق.. لانه العصير الفواكه المعلبة طرى ولين الكيكة .. والحمدلله عيبته وعيبتهم..

https://upload.9q9q.net/image/heDJNIJjh/7.jpg.html

هاي بصوص كاكاو … طلع لذييييييييييييييييييذ ويذووووب وانتي تاكلينه..

https://upload.9q9q.net/image/c87hlgqpN/8.jpg.html
صورة للكيكة قبل لا اوديلهم

.. ملاحظــــــة..

– ممكن تسوينه كل مره بالنكهة اللي تحبينها ..واللي متوفرة عندج..
– تنفع للعصرية ..
– انا سويت بالبرتقال .. والاناناس.. وباللون الاخضر بالفستق وفوقه توفي.. وسويته لونين لون عادي ولون وردي وحطيت عليه صوص استروبري..طلع خيالي..ووايد نكهات والوان .. وكل مره تظهر احلى عن الثانية..
– اللي ماتضبط معاها الكيك.. اتجرب هالطريقة وان شاء الله تضبط وياها..

واتمنى انكم ماتنسوني من دعواتكم الطيبة…لانه هاللي اتمناه منكم..

اذا عجبك موضوع من مواضيعي فلا تقل لي شكراً و لكن أدعو لي بالآتي

اللهم اغفر له ولوالديه ما تقدم من ذنبهم و ما تأخر.. وقِهم)
عذاب القبر وعذاب النار .. و ادخلهم الفردوس الاعلى مع
الانبياء و الشهداء و الصالحين…واجعل دعائهم مستجاب
(بالدنيا والآخره اللهم اجمعين