شحالكن بنات
حبيت اخبركم عن تجربتي
انا تاخرت يلين حملت سنتين ونص والحين الحمدلله فالشهر الاول ودعولي الله يثبته لي فديته ^_^
المهم
بعد ماكملت 9 شهور امتسحت عند وحده من العين قالتلي مافيج نفس طايحه ولا فقاره سرت لرخاء وكان الكل يمدحها وانها افضل من غزل وفوفو
المهم
سرتلها وانا على ويهي
قالت لي ان عندي تكيس 
وعطتني جلوكوفاج + كلوميد حبتين فاليوم لمدة خمس ايام
المهم
بعدها الدوره قامت تتاخر من الجلوكوفاج لانه اصلا ماعندي تكيس وهو المفروض ينزل الدوره
بعدها عطتني ابرة تنشيط
المفروض ماتعطيني
لاني قلتلها ان عندي الغده وان الهرمونات شوي متلخبطه وكان عندي هرمونين متلخبطات
وعقب عرفت ان رخاء كل وحده تسيرلها تقولها ان عندها تكيس
اي وحده وكل اللي اعرفهم قالت لهم نفس الكلام
بعدها قمت اعالج فالمويجعي وتوام الكل نصحني اسيرلهم
كملت عندهم فتره وقالولي ان احتمال تكيس ؟؟!!!!
وعقب سرت للدكتوره مريم الهنديه
قالتلي انتي ماعندج تكيس
انتي عندج التهابات !!! وعالجت عن الالتهابات
والله يعلم اذا كان صدق ولا لا
المهم
من شهر سرت للمستشفى الامريكي وفتحت عندهم ملف
وسوولي فحوصات وفنفس اليوم قالتلي الدكتوره انتي مافيج شي قالت ان على المبايض نقط سود وهي عباره عن نفس قطع صغيره من اللحم يعني من يوم انا مخلوقه فيني
وماياثر الحمدلله
قالتلي عشان الهرمونات يعتدلن نزلي من وزنج
واول مارديت فاليوم الباجر شربت عصير اناناس ونزلت الدوره فنفس اليوم
وقمت امشي وسويت رجيم الحمدلله خلال اسبوعين نزلت 8 كيلو
بفضل الله وانه عندي عزم قوي وكنت اكل اناناس يوميا واشرب عصير اناناس الربيع
من اسبوع سويت فحص هرمون البروجسترون وطلع وايد مرتفع
وقالولنا انا وريلي ان الهرمون مايوصل اكثر عن 76
وانا فالتسعين
قالوا الا احتمال واحد وهو الحمل
سويت فمستشفى الامارات فحص حمل
وفنفس اليوم سرتلهم قالولي مبروك في حمل ^_^
وكان الله غفورا رحيما
فلا تصدقون اي حد انتبهوا حبايبي
اللهم ثبتي طفلي الي اودعته في حفظك 
تسلميلي حبيبتي
والله ايسرلج الولاده ياربي
دعواتج لنا انا كملت 4 سنين ما حملت والله يرزقني يارب ويرزق كل محرومه
الله كريم والحمدالله كل شي بيد رب العالمين
والف مبروك
بس عليكن بالاناناس والله عن تجربه وادعن الله قبل كل شي