سفرتي لاندونيسيا
1102017 – 8102017
اول شي..هوتيل من الهوتيلات اللي كنا فيهم
هالهوتيل كل شي فيه برتقالي
طبعا انا لابي عليه جلد برتقالي..وشنطة اللاب برتقاليه
الاستاف استانسو عاللاب والشنطه وقالو يبون يصورونه فقلت خلني اصور وياهم هع
نفس الهوتيل يسوون عصير مانجو عجيييييييييييييب يمي يمي
طبعا اخوي ومرته راقدين وانا سهرانه عالتلفزيون واللاب وكل شوي اطلب لي عصير مانجو وثاني يوم الصبح اخوي ينصدم من الفواتير هع
اما هالزحليقه عجيييييييبه…من الطابق السابع ليين الطابق الاول..واايد حلوه..نلبس الهلمت ويحطون تحتنا قطعه ونتزحلق
عاد احلى شي يو رحنا الصراف نصرف الدولارات..اخوي كتب بدال اسمه راجو بابو..وانا بدال اسمي ميري خان..عاد من وين يبنا الاسامي ماعرف هههه حتى الريال استغرب كيف عرب وجيه اساميهم هههههههههههه
هاليوم كان تحفه..نحن كنا راكبين بنتلي سبورت انا واخوي..وولد عمي وولد عمي الثاني بالبي ام السبورت..ومرت اخوي وباقي العايله بسيارة العايله..عاد نحن قلنا مابنوقف فالباركنات لان نحن في اي بي ههههههههه…وقفنا فمكان غلط بس طبعا محد قالنا شي..المهم نزلنا من السياره ويوم يينا بندخل المول الا اشوف السكيوريتي ياي صوب البنتلي يطالعها وهو خايف يطالع يمين ويسار يخاف نشوفه ههههههههههه..جان اصوره
كنا فمول من المولات..ولفت انتباهي الدرج المتحرك..وقلت الا اصوره والسكيوريتي يراقبني لان ممنوع التصوير داخل المول ههههه…بس صورته اخر شي…لاحظوا شكله على شكل جوتي نسائي وانه من الطابق الاول لين الطابق الثالث يعني في درج ثاني من الطابق الاول لين الطابق الثاني وهكذا
ههههههه شو رايكم باصغر ايس كريم
دريولنا هناك..ماكنت احب اتكلم معاه لان ماشاءالله عليه بروفيشينال فالانجليزي هههههههه..انا صرت ولا شي عنده
اخر يوم رحنا البولينج..جان اخوي يسجل اسمي 6awelah عاد الكل تيمع يبا يقرا الاسم هع..طبعا اخوي حرييف بولينج بس كان يستهبل فالجوله الثانيه وهالصوره من الجوله ال2
هاي انا ضربتها بس اخوي خلاني اشل كوره ثقيله وايد حتى ظفري انكسر..لانه تحداني اشلها
وتصوير حلو وواضح
الله يعطيج العافية
وو شو كاان الجوو عندهم ..؟؟
و الصووور ناااايس وايد وايد ..،
ربي يعطيج العافية
واحس صدق ونااسة^_^
تسلمين
بلاه السيكيورتي شكله كان بيضربكم هههههههههههههههه
شي المول بعد يبالنا نحوط فيه
الحين بسااافر عشان اركب هالزحليقه خخخخخخخخ