لحقووني زعلان مني وانا الغلطانه

هلاوالله

إشحآلكم .؟

آنا اول مره اكتب بهالقسسم وإن شاء الله تسآعدووني ..

بنآت انا من فتره مالجه وخطيبي الحمدلله تبارك الرحمن الله يحفظه لي ويبعده عن بنات الحرام طيب وخلوق ويحبني ويمووت فيني

نحن من اول نظره شرعيه قمنا نرمس بعض بالفون لين ما كتبنا كتاب ولحد الحين اكلمه وفعلا حبيته

وانا من البدايه كنت صريحه وياه وهو بعد نفس الشئ كان صرييح وياي

الحين من 3 ايام انا قمت كله اجذب علييه واقص علييه كله منه لاني يووم اقوله بظهر ما يطييع واقوله اربيعتي عازمتني ما يخليني ارووح بأختصآر واايد يغار عليي ..

فالمهم انا من 3 ايام كنت اقص علييه وادري اني غلطانه بس الحيين ندمانه حييل

اول اليوم من المقصه قلت له اني مرقده فالمستشفى هاليوم فعلا كنت تعبانه وحاله بس ما رقدووني
ويوم الثاني قلت له معزومه بيت اهلي وانا من هناك رحت الموول وياهلي
والبارحه قصيت علييه قلت له المدرس بيني الحيين ماقدر اطول وياك ومن هناك ظهرت رحت المكتبه ويامي ..

المهم هو اتصل ف أختي لانه من فتره اختي كانت متصله فيه بخصوص الشغل

ف تم يسأل عني وقالها هييه تعبانه يعني انا وجي رقدووها فالمستشفى اهني اختي تمت تقول لاه وتقص عليك وهييك

فالبارحه هو عصب علي وتم يقوولي ليش سويتي فييني جي وانا كنت واثق فييج وماتوقعت انج بسويين جي والله بنات انا ندمانه حييل والله

وقلت له عطني آخر وآول فرصه أعدل فييه غلطي قالي اني وعاقبني وقالي ما تطلعين مكان ولا تقعدين وياربيعاتج ولا شئ وقلت له إن شاء الله

والحيين ما يرمسني عدل وما يتصل فيينني

حاولت اراضييه مب طايع يارب

وهوو ف الدوام يداوم ف جزيره داس

افكر اطرشه بوكيه وررد شرآييكم

بلييز سآعدووني بنآآت

هيه حبيبتي طرشي له ورد ويا هديه عطر ولا قلم شي جي

فدييتج والله تسلميين عالرردد

درس تعلمتي منه انج ما تجذبين أبدا… و اختج كان المفروض ما تتكلم و تم ساكته… يعني ما تأكد كلامه و لا تنفيه… علشان ما تسوي لج مشكله… و بصراحه ما له داعي تجذبين عليه لأن من حق الزوج انه يعرف انتي وين بتروحين و مع منو… و لازم شرعا تستأذنين منه قبل كل طلعه.. إلا إذا هو عطاج قرين لايت و قال مب لازم تتصلين قبل ما تطلعين…

احس حلو انج تطرشين له بوكيه ورد و تعتذرين… و بعدين خلاص ما تفتحين الموضوع مره ثانيه… هو بياخذ وقت لين يرجع يكلمج عدل ثاني… فتحملي نتيجة فعلتج و لا تستعجلين عليه… لا تقعدين تحنين سامحني و سامحني… خلاص اعتذار و اعتذرتي و بوكيه و بتودين…و بهذا انتهت السالفه… و اذا رجع و فتحها… قولي له انج عرفتي غلطتج و ان شاء الله ما تكررينه مره ثانيه و بعدين غيري الموضوع بهدوء

طرشيله ورد ..
واذا سألج ليش ماخبرتيني انج طالعه ..
قولي ربيعتي عازمتني يعني مضطره اطلع ومايصير كله ياسه بالبيت ..
بس تدرين سالفه انج مرقده بالمستشفى قويه ><
لوزخج عشي ثاني جان زين ..
اذكريله الاسباب رمسيه بالسياسه ..
والتزمي الصمت ..
سوي عمرج عاديه ولاتردين تتصليبه واتطرشين مسجات ..
لأنه بيحس في شي اكبر من جي بمـا انكم مالجين واكتشف انج جذبتي عليه ولو بشي بسيط ..
تعرفين انا كنت اجذب عليه اقله مب طالعه .. يمكن جذبت 3 مرات مووو اكثر ..
قلت اني سايره حديقه وهو مب حاب اني اسيرلها وكنت معزوووومة بعد عند ربيعتي ..
حتى اختي صااحت حالتها حاله فــ اضطريت اني اسير ومع ذلك قبل لاتستوي حشرة بالبيت قلت مابسير ..
سبحااااان الله عقب انكشفت هههههه واستووووت سااااااالفه ضراااابه كبيره ..
عشان شوو عشان اني طالعه رايحه الحديقه ويا ربيعتي هههههههههه ..
وريلي ترى وايد غيور لدرجه الشك واحيانا يوصل للأتهام ..
فـ خليج قد الثقه .. خاصة وقت الملجة .. ترى بيطلع حرته فيج بعد العرس ^_^

الله يهديج ليش اتجذبين عليه ما يصير هذا ريلج
سوي له هدية جي صغيرة و ان شاء الله تعجبه
موفقة اختي