لكل اولياء الامور مهم اذا اتهمج صحة اعيالج ادخلى

موضوع اتمنى من كل الامهات تركز علية ترا صدقونى اياثر على صحة اعيالنا بشكل كبير السنة لطافت رحت اييب ولدى من مدرسة راس خيمة لمتحدثي الانجليزية المدرسة الراقية لندفع فيها دم قلبنا واحنا طالعين وعند لستقبال قال ولدى ابغى ادخل الحمام عزكم الله دخلت وياه الحمام وياليتني مادخلت الولد وقف عند المغاسل ويبغى يتبول قتلة يابوية ادخل الحمام مب اهنية عند المغاسل قال انا كله ابول اهنية ما ابغي ادخل الحمام بصراحة اضايقت وعصبت علية واجبرتة يدخل الحمام لكن قالى ادخلى انتي وشوفي اول وياليتني ما شفت لكلنس فى كل مكان وتحت كله ماي وماابغى اقولكم اكثر والوع جبدكم وبصراحة عذرت ولدى فعلا مكان مايندخل المهم طلعت وشفت العامله وخبرتها تعرفون شو ردت انا شو اسوى وايد يدخلون الحمام وانا انظف بس اول الصبح وبعد لبريك واخر الدوام والاطفال ايداومون 7ساعات لازم الحمام يبغيلة تنظيف دوري بس العاملة بروحا لايعة جبدها وسرت الادارة وخبرتهم وشتطت مس هدى واكدت انهم يهتمون بالنظافة دايما قلتها اتمنى تروحين وتلقين نظره ردت وقالت اكيد بعدين راح اشوف وبنقل هذا الامر للمدير انا استانست وثانى يوم قلت بلقى نظرة وتصدقون انه الامر العن من الاول وبالصفة اقول حق ولية امر كانت واقفة تتريا ولدها برع الحمام ياليت تدخلين وتشوفين الحمام لدخل فية ولدج وبعدها شفتها طالعه من الحمام معصبة ركبت الدرج رايحه الادارة ,
خواتى مهم ترا ندخل حمامات المدارس وخاصة المدارس لندفع فيها دم قلبنا ونشوف نظافتها لان الحماتمكان تتجمع فية امراض لاتعد ولاتحصى وصوااعيالكم لاييلسون على الحمام قبل مايرشون علية ماى والله ايسلم اعيانا من كل مرض وسامحونى طولت عليكم بس هاالشئ قاهرنى

الله المستعان شو نسوي وين انودي عيالنا عيل الله يستر هذي اول سنه ولدي فمدرسه خاصه بشوف زين نبهتيني جزاك الله خير

تسلم يمناج ع التنبيه ..

ويزاح الله خير ..

مشكوووووووره

للرفع

هيه والله صدقج الغالية نظافة الأهم لازم تكون حمامات المدارس الخاصة نظيفة.

يامكثر الملاحظات على مدرسة رأس الخيمة لمتحدثي اللغة الإنجليزية
الصراحة شي يقهر ملاحظات على الدراسة وعلى التربية وعلى مراعاة نفسية الطفل او الطالب
والحين وصلت الملاحظات على نظافة الحمام الله يعينا ويرحمنا وييسرلنا مدرسة ثانية
تفكنا من مذلة هالمدرسة 0000

هيه والله صدقج