لو الله حلل ان الزوجه تعدد فهل بيقول الزوج هذا شرع الله ؟؟؟

الاحظ بين فترة والثانية تنزلون موضوع عن الزوجة الثانية وانه الشرع حلال اربع وان الزوجة الاولى مب لازم تزعل ولا تقول شي لانه هذا شرع الله لا وفي بعض المواضيع تحث الزوجة على انها هي تدور لريلها لانها في هذه الحاله بتكون مؤمنه صدق وطيع الله ورسوله .

تفكرت وسئلت نفسي سؤال لو كان الشرع حلال للحريم يعددن فهل بيرضى الزوج وهل بيقول والله هذا شرع الله وهل بيحثوا بعض انهم يدورون ريايل لحريمهم

بتقول الشرع ما حلال وان ادري انه ما حلال والحمد الله انه ما حلال لانه ريل واحد وبيطير عقولنا فشو بنسوي لو كانوا اكثر
بس الي بغيت اوصله من سئالي ليش يطالبونا الريايل ان اندوس على مشاعرنا ونوافق ونقول انى راضين لا ونروح اندور لهم بعد يعني نحن ما عندنا مشاعر
زين الله حلال للريال ياخذ اربع بشروط وضوابط بس ما طلب من الحرمة الاولى انها تبارك هذا الزواج
لان في الاساس ما يشرط موافقتها لصحة زواج ريلها
فليش كل يوم والثاني تنزلون مواضيع تحاولون تقنوعونا باشياء الله سبحانه وتعالى ما طلب منا ان نسويها في الاساس
يعني حتى زوجات الرسول عليه الصلاة والسلام كانن يغارن ويزعلن
يعني ردت علينا احنا

من جد غرور الريال شي يقهر

وايد هذرت بس من القهر

موضوعج في مكانه ومعاج الحق بس الله له حكمه في ها الشي يعني كيف نحن متقبلين اشياء اوجبها الاسلام علينا فلازم نتقبل لانه مهما نتناقش ليش وكيف ولو ما بيفيد في شي ها امر الله واللي المفروض نطبقه من غير نقاش واللي ترضى زوجها يتزوج عليها اجرها عند الله

اختي رضى الزوجه مش شرط لزواج زوجها مستحيل في انسانه تحب زوجها تقدر تشوفه عند غيرها
نرضى بامر الله بس الله سبحانه وتعالى قال(( ولا يكلف الله نفسا الا وسعها))
ليش يحاولون يخلونا انسوي اشياء ما نقدر عليها
ومستحل نقدر نتقبلها الي يبي يعرس يعرس بس لا يطلب من الحرمة ترضى وتسكت ترى زوجات الرسول عليه الصلاة والسلام كانن يزعلن

ياريت لو في عشان يطلع الريال الصدقي من الذكر

والله انج صادقه
انا مب قاهرني اذا الريال بيتزوج ولا لا بكيفه وهالشي من حقه وحلاله
لكن الي يقهرني الحريم الي مسويات فيها نحن العاقلات الي نحب رياييلنا وبنخليهم يتزوجون علينا وانتوا لازم تكونون مثلنا وتضحكون وتستانسون وتزوجونهم وترقصون بعرسهم بعد ههههههههههه خير ان شاءالله وين عايشين نحن!!

اوكي كل وحده حره بعمرها تبيه يتزوج عليها او لا لكن مب تفرض علينا شي ع اساس انه عين العقل والصواب !! جنها تقول غصبا عنج زوجيه وانتي تضحكين وراضيه

لو نحن جلبنا السالفه وخلينا الريل يحس بهالشعور ماعتقد بيزوج حرمته وهو يضحك وراضي !
اونه من حقها وانا عاقل وقنوع

انا عن نفسي ماارضى بهالشي اوكي نتفاهم لو بيتزوج يطلقني عقب ياخذ الي يباها
من حقي اختار حياتي مثل ماهو من حقه يختار حياته ويعيشها بطريقته
ومااسمح لاي شخص انه يعاتبني ع قراري او يجبرني بشي انا مب راضيه فيه

يمكن ارضى يتزوج علي واتم ع ذمته لو اجبرتني الظروف مثلا مااييب عيال او رغبته الجنسيه كبيره
وصعب البي متطلباته ورغباته بهالحاله اكيد برضى بس من داخلي مابكون مستانسه طبعا لكن هو افضل الخيارات جدامي شسوي يعني

بس يقولون لي زوجيه وانتي مستانسه هالشي مااقبله ابدا ومااتمناه لغيري قبل مااتمناه لعمري

صدقج فد

استغفر اللـه العلي العظيم منّ كلّ ذنب عظيم

يابنات مآ يصير تتنآقشون فيّ شيّ مآ شرعهّ رب العآلمين

كلمة "لـو" بآب مـن آبوآب الشيطآن ..

وهذآ حكم اللهّ سبحآنه

ربيّ آسألك المغفرة