لو سمحتوا أهل الخبره شوروا علينا

السلام عليكم
اشحالكم؟؟ شخباركم؟؟

أباكم آخذ رايكم في موضوع

ربيعتي متقدملها واحد من البدون…انا ماعرف شو سالفة البدون بس إللي اعرفه على قولتها انه يعامل معاملة المواطن بس بدون جواز

وقالتلي انه اوراقهم كلها اوكي بس يتريون الجواز

فهي محتاره وتسألني وانا ماعندي خلفيه…فقلت أسالكم ماشالله عليكم اكيد عندكم خبره ودرايه بالموضوع

يعني عادي مواطنه تاخد من فئة البدون؟؟
البدون هذيل من وين أصلهم؟؟ وليش يالسين بدون الجواز؟؟
وشو موقف الدولة منهم؟؟

واللي عندها أي معلومات زياده تخبرنا

والسموحه منكم…والله يجعله في ميزان حسناتكم

عزيزتى البدون اغلبهم من اصل البلاد بس من البدايه ماهتمو بسالفه الجواز
واحين عيالهم الى متلعوزين

خليها تسال الجوازات عن يسولها سالف عقب
وتسال اذا عيالها يدخون فجنسيتها ولا؟؟؟

والله يقدم الى فيه الخييير

من رايي انها تترياه لين مايحصل جوازوجنسيه اتخيلي يحصل جواز بس لي اعرفه انه مايعطوون جواز وجنسيه نفس الوقت يعني بعده بيطول لو خذته ويابت من عياال شو ذنب الصغار لي بيكونون بدون اوراق خليها تستخير كم مره..واتفكر في مستقبلها اكثر

فدييتج المحكمه مااا بتواافق لانه الريال بدوون لانه ربييعتي يااها وااحد عنده مرسووم جوواز من بووظبي وهي موااطنه مااواافقوووا …

عادي تاخذ بدون بس ما بتكون حقوقها مثل اللي ماخذه مواطن
البدون مالهم مكان محدد
في نصهم يايين من عمان نصهم من اليمن نصهم من إيران,,, من سنيين ف البلاد بس مب محصلين جواز
والعيال ف المستقبل ما بيكون لهم جواز يعني ما يقدرون يسافروون وبيتم طول عمارهم فالدولة وما بيحصلون وظايف (السموحه بس هذي الحقيقة )
اللي طلبها عنده وظيفة؟؟
لان أنا احيد ان البدون ما يوظفونهم وإذا وظفوهم حارس مدرسة ولا دريول باص ويكون المعاش شوية ما يتعدى 2024 هذا اللي أعرفة

فديتج من وجه نظري انا انها تتريا الين مايعطونه جنسيه وجواز لان لاسمح الله بعدين الله رزقهم بعيال وين الجنيسيه ؟؟حراام بيتغربلون والله والله يقدم الي فيه الخير

البدون مب مواطنين اصلا اغلبهم من ايران
يعني لو تزوجت بدون يكون عندها جواز وجنسية باسمها بس عيالها لا ويوم يتسجلون في المدارس يتسجلون بدون جنسة يعني ينكتبون (لا يحمل اوراق ثبوتية)