لو كنتي مكان اختي كيف بتتصرفين بالعقل مب بالقلب

الله يسلمكم اختي معرسة صارلها 10 سنوات ويابت 4 بنات المهم ريلها يموت فيها وهي مب مقصرة معاه المهم قبل اسبوعين زوج اختي متغير على اختي كله ساكت ويفكر لين يا هااليوم اللي كلمته اختي وقالتله شو فيك يابن الحلال انت مب على بعضك صارحني المهم بعد الحاح قالها ريلها جوفي انا احبج واعزج وماستغنى عنج بس انا ابا اتزوج عشان ابا اولاد انا كبير (عمره في الثلاثينيات ) وابا الحق اييبلي اولاد المهم اختي مااتفاجات لان من قبل كلمها بنفس الموضوع بس سوتله قنبله وصرخت وصاحت وبعدين صرف الموضوع وعقب 3 سنوات فتحلها مرة ثانية الزبدة ان الريال يبا يتزوج وقالها قوليلي شو شروطج تبين بيت شغل ليسن اي شي انا حاضر وبتعيشين عزيزة ومكرمة وانا متمسك فيج وماريد اطلقج وبسفرج اي دولة وانا بتزوج وحده غير متعلمة بدوية ومكانها بيكون ملحق بسيط ومهر بسيط بس وقال ابدا مابتغير عليج واذا تغيرت عليج اطلبي الطلاق

الحين اباكم تعيشون الموقف لو كنتوا مكانها شو بتسوون اباكم تحكمون بعقلكم مب بقلبكم ؟

موقف صعب ما اتخيل عمري مكانها
يعني الولد او البنت مب بكيفي او كيفها
هاي رزق من الله
و الله اقسم الارزاق
يعني اذا اتزوج وياب بعد بنات شو بيسوي بيروح بتزوج غيرها
اختي خلي اختج اتروح للعيادة فى طرق وووايد للحمل بنت او ولد
و الله اسهل للاختج

صدق ان الشرع حلل أربع

بس موقف اختج وايد صعب ، ما اتخيل عمري مكانها

وانا احس عقلي وقف عن التفكير !

مثل ما قالت الاخت خلها تسير للعياده وتشوف

وكل شي بيد الله ، وان شاء الله ريلها يتراجع

وشو اللي يضمن انه بيب من الثانية اولاد !!!

الله يهدييه ويصبر اختج

شو كبيره فالثلاثينات !!! لا بعدها ويييين ماشالله حريم ايبن و يربن لين ال ٤٥ .
و هو شو ضمنه ان مابيب بنات من الثانيه ؟
جوفي خليها اتسوي حميه الولد مع التبويض و تدعي ربها اهم شي الدعا.
و ماتقوله شو بتسوي ، يعني ماتقوله خطتها و اذا حملت اتقوله بالغلط و انشالله يطلع ولد.

ترى الريال هو المسؤول عن جنس الجنين
والتحديد بالنهاية بايد الله

بس خلها تقوله انه جنس الطفل الكل يعرف انه الريال مسؤول عنه
مب مثل ما كنا نحسب اول ونلوم الحرمه (تفكير اول) ^^
العلم تطور من سنين .. والاثبات هذا موجود
وعسب تتأكد تسال اي طبيبة نسائية ^^

يعني هي لو تبا اولاد ..
تقوله طلقني ابي اييب اولاد وانت تيب البنات ^^
استغفر الله العظيم
ما كنت اعرف للحين في ناس تفكيرهم جي !!!

الله يهديه

يعني هو ما يعرف ان العيال منه ؟؟
هي شو ذنبها اذا يابت 4 بنات ؟ هو اللي يابهم مب هي
واذا اختج تزوجت واحد ثاني اكيد بتيب ولد
وهو شو دراه ان اذا تزوج الثانية انها بتيب له ولد ؟
يمكن الله كاتب ان تكون ذرياته كلها بنات !!
(( يهب لمن يشاء إ ناث ويهب لمن يشاء الذكور او يزوجهم ذكرانا واناثا ويجعل من يشاء عقيما ))
وليش الزوجة الثانية يقلل من حقوقها ومستواها ؟ هي شو ذنبها الثانيه
هذا من الحين مب عادل بين زوجاته , وصدقيني الله ما بيوفقة