ليش التجريح يعني ؟؟ أبي أفهم بس !!!!

كيف الحال يا حلواااات ؟؟ عساكم طيبين وسالمين ؟؟

بصراحه أنا في موضوع من زمان في قلبي و أبي أطرحه و أكيد في بنات وايد عندهم نفس الملاحظه

و نفس الراي .. و اللي هو ردود بعض البنات !!

في بنات ماشاء الله عليهم ردودهم تشرح الصدر و تفي الخاطر .. تتمنين إنها تطول بردها
وودج كل مواضيعج تكون موجوده .. وتحبينها من اللي تشوفينه بردها من طيبه ..

وفي بنات و أنا نزلت الموضوع عشانهم .. ردودهم تغث وماودج تشوفين أساميهم في الموضوع
و لا تسوي نفسها فاهمه و خايفه ربها و تنصح .. بس اللي لازم تعرفه انه الرسول صلى الله عليه وسلم قال بما معناه إنه الانسان اللي يبي يقدم النصيحه تكون بالسر بينه وبين اللي يبي يقدم له النصيحه عشان لايحرجه .. واللي أدهى من ذلك اللي تدخل و تقول" هذا موضوع .. صدق فراغه " ولا تقول" موضوع تافهه " و لا تقول" خافي ربج حرام عليج إنتي شنو " ولا" إنتي معقده " أو" وشفيكن ميتات على الزواج " وكلام غيره وايد ..

و أكيد معظمكن سامعات كلام جارح من عضوات مايحاسبن على كلامهن .. ياأختي اللي تبي تنصح
بينها و بين البنت اللي تبي تنصحها عشان لا تحرجها و لا تنصحها بأسلوب حلووو عشان تتقبله
و اللي ما يعجبها الموضوع لا ترد وتطلع ماراح ينقصها شي ..

مادري يعني اللي تجرح ماتحس .. ولو حد رد عليها بنفس إسلوبها شو بيكون ردت فعلها ..

و السموحه على لاطاله لكن صدق أنا أقرأ مواضيع تكون صاحبته فرحانه من شي أو مضايقها شي
أو تاجره عندها بضاعه و تبي تترزق و تلاقي ردود تغث و تكدر و ترفع الضغط ..