كيف الحال خواتي؟
بس انا من فتره كنت ادور مواضيع على اليوتيوب بخصوص العمل والدرجات والمؤهلات الجامعيه وغيره
بس لاحظت شي غريب!
ان الناس تتوقع ان الحاصل على الشهاده الجامعيه معناه هو مؤهل لسوق العمل
ولازم بعد مايخصل الجامعه على طول يشتغل ويلاقي شغل
وطبعا هذا الكلام غلط
ليش المجتمع رابط ذهنه ان المؤهل الجامعي معناه فرصه وظيفيه احسن!!!
انا ماانكر ان الجامعه تعتبر تعليم عالي
يعني مثلا واحد شاطر مثلا في لغه الانجليزيه يقدر ياخذ مواد في الجامعه او درجه بكالوريوس ويقدم على التربيه وغيره
او مثلا واحد يريد يصير طبيب او مهندس محتاج ياخذ دراسه من مكان معترف فيه والا بتكون مشكله
يعني بعض التخصصات محتاجه جامعه او مكان معترف فيه
ولكن مب معناه الشخص درس طب ولا هندسه ولا تربيه ولا كمبيوتر
بيشتغل
كل واحد ونصيبه وقدراته
يعني في ناس عندهم شطاره في الدراسه ولكن في الحياه العمليه
صعبه عليهم ومحتاجين تدريب
فالشخص المحتاج عمل مب دوم الجامعه هي المكان المناسب عشان هذا الشي
لازم ياخذ دروس خصوصيه ويعمل اعمال بدائيه لييييييييييييييين مايكون نفسه
مااعرف حتى بيل غايتس طلع من الجامعه مب محتاجهه عقله اكبر منها!
وناس كثير مب محتاجه الجامعه عشان تطلع الفكر
ولكن انا ماانكر ان الدراسه حلوه وتفتح الفكر وتقضي وقت الفراغ بشي مميز!!
بس العمل يختلف من شخص لاخر وماله علاقه بالشهاده ابداً
انا والحمدلله عندي شهاده جامعيه وماقصدي شي واشتغلت فتره وشفت كيف الوضع
بس انا مستغربه من ربط الجامعه بالعمل!!!!!!!!!!!!
العلم مهم بس مب معناها كل واحد دارس كتب بيكون شغييييييييييييييل! الا بعض التخصصات العمليه البحته!
يعني واحد متخرج بدرجة محاماه مب معناه بيصير محامي كبير فيوم وليله صح ولا غلط؟
حتى لو حافظ القانون وفاهمه وعنده طريقه في التفكير ويحب القضايا وغيره مب معناه هو قادر على الدفاع او حل كل شي
يمكن في واحد او شخص عادي ياكله!!! او عنده قدرات احسن منه لان متعود على مشاكل والعمل ويفهم الناس اكثر!
يعتمد من شخص لاخر
بس خطرت علي هذي الفكره
لاني شفت وعرفت بنات ماعندهن شهادات وجي بس سبحان الله اشتغلن حتى في بنوك وصارن مسؤولات
وفي بنات عندهن شهادات بس مافي نصيب او بس كانن متميزات في الدراسه كاجتهاد بس!
فاستغرب الربط هذا الدائم
واستغراب الناس
يوم يقولون جامعي بس مايشتغل مسكين!!!!
الشغل ماله علاقه بالجامعه بس هذي وجهة نظري