مرحبا ياحريم قسم العائليه كيف الحال عساكم بخير ؟
خواتي لاحظت في الفتره الأخيره في قسمنا هذا انتشار ظاهره غريبه كلنا ملاحظينها أكيد إنه ماتستانس الوحده تنزل موضوع إلا وقاموا بعض الخوات الله يهديهم ونزلوا مواضيع يذمون فيه راعية الموضوع لهدف غير معروف
والظاهره الثانيه هي ظاهرة الإستفزاز بالردود والتعليقات الوقحه أحيانآ بهدف إثارة مشكله وبلبله لصاحبة الموضوع وتقوم الإداره وتقفل الموضوع
وأتساءل هل هذي أخلاقيات عضوات في منتدا راقي ؟
وليش نهدف لغلق موضوع عضوه أو حذفه والسبب ردود لاترقا بمستوى المنتدا ؟
أنا وانتي وهذي وذيك خوات مفروض نشد على يدين بعض نعين ونعاون ونحن لا سب ومشاتم وعبارات …. أحيانآ وليش وعشان شو كل هذا ؟
ومب بس هنا في العائليه لا قاموا يلفون على أغلب أقسام المنتدا بنفس الهدف والغرض ليش وعشان شو ؟
لا وصلت فيهم المواصيل إنهم يذمون في بعض الأمور مثل صور الكوش وصور البيوت وصور الهدايا بس بهدف إثارة العضوات ولغايه مافهمتها صراحه الوحده إذا نزلت صور وماكتبت أبا رايكم وعلقتي براي وكان رايج مثل ويهج جان احتفظتيبه لنفسج أبرك
أقسام مثل
قسم العروس
وقسم الديكور
وقسم الألعاب
وقسم الملتقى
أقسام فرايحيه ليش تخربونها بردودكم ومواضيعكم إلي عافانا الله هدفها واضح مثل عين الشمس
العضوه الجديه حطيتوا عليها سميتوها معقده
والملتزمه والمتدينه لقبتوها بالمطوعه
والفرفوشه أم دم خفيف مصرات تخلونها راعيت مشاكل
والمعتدله والوسط قلتوا صايعه
و و و و و و و ماعرفنالكم صراحه؟
ومن رايي أغلبها غيره لا أكثر
وإذا كل هذا ماعجبكم شو تبون منتدا فاضي مافيه إلا انتوا تعفسونه بضرايبكم مثلآ؟
أنا أقول أحسن شي سوو شله وافتحو منتدا خاص فيكم ياراعيات المشاكل ونظفوا منتدانا منكم
شفت عضوه ماشالله عليها عجبني اسلوبها منزله موضوع تشكي فيه من ريلها والكل قام ينصحها ماعدا بعض العضوات ولدرجه إنه وحده ردت عليها بكل …….. وقالتلها ريلج هذا عاجبني أنا أباه هيه أباااااااه
قامت صاحبة الموضوع بكل بساطة سفهت صاحبة هالرد وردت على باقي البنات حسستها إنها ولاشي وإنه وجود ردها في الموضوع من عدمه عادي وما أثر على موضوعها عقب دخلت على ملف هالعضوه صاحبة الموضوع واكتشفت إنها متبعه هالأسلوب في أغلب مواضيعها تسفه الردود الغير لائقه وتعدهم ولاشي لأنها تبا تكون أرقا منهم
عجبني أسلوبها وقلت بسويبه من اليوم وساير
وفيه عضوه ردودها بلسم ومثل العسل وبعد دخلت ملفها واكتشفت إنه هذا أسلوبها
وفيه عضوه تختم كل رد بدعوه طيبه وأسلوب راقي وأقول فنفسي ليتني مثل هالعضوات وقلت من اليوم وساير بسفه كل رد تافه ماله قيمه غرضه الإستفزاز وغلق المواضيع ومابرد إلا على الردود المحترمه
الرد يعبر عن صاحبته من ناحية التربيه والأسلوب والذوق العام هذا رايي
وأنا ببدأ من اليوم ولآخر يوم لي فالمنتدا لاقدر الله شعاري :
لا للردود الغير لائقه
منو معاي ؟
وشورايج نسوي حمله يكون شعارها
لا للردود الغير لائقه
مشكوره الغناه على الجهد
المشاركة الأصلية كتبت بواسطة كواكب 
وشورايج نسوي حمله يكون شعارها
لا للردود الغير لائقه
مشكوره الغناه على الجهد
وعن الردود الغير لائقه تقدرين اتبلغين عليها المشرفات
وراح يكون لها انزار وتعهدات لهذا الاسلوب
واذا شفتي اي رد غير لائق دقي على علامة التعجب باسفل المشاركه
وبيوصل ايميل للمشرفه
ومعا من اجل منتانا الغالي
.*___*.