ما أباه يتملل ~

أختي الفاضلة
اذا مالجة من يديد فهذا شيء طبيعي تستحين منه وما تعرفين شو تقولين له حتى ،،
يبالج شهر شهرين لين ما تتعودين عليه وبعدين صدقيني بي اليوم الي يقولج بسسسس ^_^

من المواضيع الي تقدرين تفتحينها هي :
– شو من الأكلات يحب ؟!
– شو هواياته ؟!
– أي نادي يشجع وحاولي اتابعين معاه المبارة وتسألينه عن النتيجة وتفرحين لفوز ناديه
حتى لو إنت ما يخصج بالكره من الاساس !؟
– شو السيارات الحلوة والقوية شو مميزاتها ؟!
– سألينه عن طفولته شو من المواقفة الي صارت له مع ربعه أيام الدراسة لايجذب عليج ويقولج كنت هادئ وشاطر هههههه
– سألينه وحاولي تعرفين اذا يحب البر ولا البحر ومع منو كان يطلع ؟!
– منو ربعه (( هالشيء راح يفيدج بعد الزواج واااايد ))
– شو المواقع الي يدخلها ع النت اذا كان يحب النت !؟
– شو طبعه مثلا في بعد الرياييل ما يحبون الطلعات وايد وفي بعض الريايل ما يحبون السوق ومن هالأمور ؟!
– تكلموا أغراض العرس والتجهيزات ؟!
– عن السفر أحلامكم ، هواياتكم، عيالكم أسمائهم ؟!

عاد بخبرج مب تسألينه كل الأسئلة اليوم هههههه بالتدريج ع حسب الموضوع والموقف

من الألعاب مممم كنت دايما أسأل ريلي بين فترة وفترة عن اذا طلع له الفانوس السحري شو الامنيات الي راح يتمناها هههه طبعا قبل العرس امنياته طلعت غير عن بعد العرس ؟!

واذا ريلج يحب البي ستيشن فاجئيه يوم وجهزي اللعب ولعبو مع بعض ^_^ بيستانس ..

هذا الي خطر فبالي حالياً والسموحة ع الاطاله ،،
موفقة ان شاء الله يارب وأي حاجة أو أمارة نحن فالخدمة — معرسة من قريب لوووول ^_*