ما ادري بيعرس ولا ؟

السلام عليكم ..

والله اني مضايقه حدي وماعرف ليش جي يصير فيني (الحمدلله على كل حال)

انا بدخل في الموضوع من فتره دقيت لريلي وكلمته وكله يقولي انا مضايق ويوم اسأله يقول خلي اللي في القلب في القلب واسلوبه وتعامله كان زفت صراحه المهم البارحه دقيتله قال انا الحين وصلت الدوام وبدق بعد شوي قلت اوكي ومادق وعقب ساعه دقيت ومارد ورديت عقب دقيتله بعد مارد والمره الثالثه رد وكان يتكلم في التلفون الثاني والصدمه العوده انه كان يكلم وحده ويضحك ويسولف معاها ويقولها شو ماتبين اتشوفيني ولا شو السالفه انا انفجرت ويلست اصييييح وعقب سكر عنها ودقيتله قال انا مشغول وبتصل بعدين طرشتله مسج دقلي بسرعه ودق قال شو فيج وانا اصييح قلتلها ترضى انا اسوي فيك هالحركه يقول اي حركه اقول ترضى انا اكلم غيرك يعني انا يوم تكلمني كل مضايق وحالتك حاله وما تكلمني بس دقايق وتسكر وبنت الشوارع احسن عني وتضحك وتسولف معاها قال انزين الحين انا مشغول وبعدين بدق >>ولا جنه مسوي شي

وعقب دق والله انه قاسي تعرفون شو قال ؟
قال انا كم مره قلتلج تعالي البيت بس انتي ما تبين وقسمن بالله عرسي قريب وبتسمعين عنه ويحلف ورددها 3 مرات وانا خلاص احس عمري بموت وهو خبر خير ..
وعقب طرشلي مسج وقال هاي حركة انا سويتها فيج >> يوم كان يرمس وحده ..

بنات تتوقعون انه صدق بيعرس ولا بس يجذب عليه عشان ارد له؟

مممممممم … غريبه .. ممممممممم كل شي جايز اختي .. واذا هو متغير عليج دوم يعني معناته كان صاج

ويرمس وحده .. وانتي الوحيدة بتعرفين ريلج شو قصده من هالحركه .. هل صج ولالاء ..

وان شاءءء الله بسسسسسسسسسسسس يكون سوالف وياج وجي … وافيييييينا بالاخبار اختي

والسموووووحه

ماعرف والله ادعي ربج وصلي ركعتين واقري سورة البقرة وانشالله الله يفرجها عليج …..
الله يجمع بينكم بالخير

الله المستعااااااااااان

الغاليه ديري باالج على ريلج لايرووح منج

صلي وادعي الله يرده لج انتي وبس ومحد يشاركج فيه

موووووووووفقه

كيف يعني يقولج تعالي البيت وانتي مااطيعين ليش انتوا متزاعلين؟؟؟؟؟؟؟؟

وانتي الحين في بيت هلج؟؟

هيه فديتج انا في بيت اهليه من شهر 9 ولادق وسأل عني وانا اللي دقيت له وقال ردي

انزين ردي .. هذا ريلج .. والمفروض مشاكلكم ماتنحل برع حدود بيتكم لو شو ماكانت .. هاي نصيحة اخت لاختها