بنات .. 
ابي النصيحة منكم ..
.
.
.
انا صار لي ثلاث سنوات معرسة .. وما صار اي حمل
كل مااسوي فحص للهرمونات من ثاني يوم للدوره .. تطلع عندي النتايج زينه
وما في اي زيادة او نقصان في الهرومونات
.
في البداية كنت اتعالج ويا دكتوره لانه حجم المبايض عندي صغيره
تكون 12 أو 13 .. اخذ منشطات وابر تفجيريه عشان يصير حجم البويضة فوق ال 20
وكل مره تكون فوق ال 20 ما يصير اي حمل " سبحان الله "
.
.
يأست من العلاج .. ووقفت منه .. رحت عند حرمة تمسح في ايام الدوره ..
الحمدالله مسحت ويا حرمين 2 ,, وحده قالت لي النفس عندج منقلبه
ومسحت لي وعطتني اعشاب اشربهم .. وما صار حمل ..
فقلت بروح ويا حرمة ثانيه .. نفس الشي مسحت لي " يزاها الله كل خير "
وكانت تحط لي تحاميل لتنظيف الرحم .. وما صار حمل
.
.
تميت فتره .. طويله من بعد ما مسحت قلت " ان شاء الله " احمل ..
لكن " ما صار حمل
.
.
ومن فتره كنت اتصفح النت .. وقريت انه الحجامه وااايد زينه للحمل
وقريت وااايد ارااء من البنات عن الحجامه .. انه في حريم بعد معانات 8 سنوات
صار لهم الحمل بفضل الله سبحانه وتعالي ثم الحجامه
فقررت اسوي الحجامه .. سويتها في هاي الفتره قبل الدوره ..
فقالت لي ياللي تحجم انه انتظر للدوره الثانيه .. وان شاء الله يصير حمل
واذا ما صار لازم احجم مره ثانيه ..!
.
.
للحجامه العديد من الفوايد .. تنشيط الدوره الدموية ..
والمبايض .. وازالة الدم الفاسد واشياء وااايد …
والرسول صلى الله عليه وسلم وصى بالحجامه
،
فـ بنات شو رايكم اكمل بالحجامه ..!
وفي حد منكم سوى حجامة وصار له حمل
ع فكره الحجامه كانت في الظهر وعلى الركبه من الرجل اليمين
وفي القدم من الامام الرجل اليمين .
دعواتكم لي بالحمل
يزاكن الله كل خير حبيبااتي ع الرد ..وعسى ربي يحفظكن من كل شر
وعن الحجامة ما عندي فكرة الصراحة كمان اسألي الدكتورة افضل
المشاركة الأصلية كتبت بواسطة ام*الحلا* 
وعن الحجامة ما عندي فكرة الصراحة كمان اسألي الدكتورة افضلفديت قلبج .. تسلمين ع الرد
انا كنت اتعالج ويا دكتوره .. فالبدايه تفحص لي ثاني يوم الدوره ،، وبعدها 10 يوم من الدوره اتابع حجم المبايض
كانت شهرين على هالحال .. وبعدها بدأتت تعطيني المنشطات والابر التفجيريه ..
لين حسيت اني تعبت نفسيا من الابر ..
" الحمدالله "
ومن بعدها تركت الدكتوره .. لأنه حسيت الابر والمنشطات ينفخون جسمي
لكن بدون فايده ..
كان وزني 54 قبل استخدام المنشطات والابر .. وصار 60 .. 
تركت الدكتوره .. وسويت رجيم لـ ما رجعت لـ 55 الحين
وفحصت ويا دكتوره ثانيه .. والحمدالله .. قالت لي كل شي اوكي
بس حجم المبايض 15 واحيانا 16 .. والمفروض فـوق العشرين
وقالت بتعطيني منشطات .. لكن ما بغييييت ..
^_^ قلت بجرب الحجامه .. افضـل .. وان شاء الله خير
واذا ما صار اي شي .. برجع اعالج ويا الدكتوره
تسلمين حبيبتي ع الرد =)