هذا مش موضوع خلطات ولا نقاش في واحد من الصوالين او الماكيرات.. فعشان جي ما ادري كيف الإقبال عليه.. لان حسب خبرتي البسيطة عندكم.. هاي هي المواضيع الشعبية هني..
موضوعي اليوم عن الماسكات..انا بنت أموت في الماسكات.. واعتقد انها غذاء للبشرة.. ومثل ما اتعب بشرتي بالمكياج والمستحضرات.. ليش ما اتعب نفسي شوي بماسكات حقها..
جربت الماسكات الطبيعية.. بس ما كنت احصل هاذيج النتائج.. غير انها تضيع الوقت..
عشان جي.. موضوعي بيكون عن الماسكات التجارية المجربة.. سواء مني او منكم..
اللي يعرفني بيعرف أني احب المنتجات الكورية وجربت وايد من سوالفهم.. وعشرات من ماسكاتهم.. بس باحط الكم الواحد اللي فعلا عجبوني ورجعت اشتري منهم مرة ومرتين..
اول واحد ماسك الطماط.. المنتجات الكورية او بشكل عام اي منتج اذا استخدمتوه فترة بتلاحظون ان نتائج الاستخدام المتكرر ما تعطي نفس النتيجة مال اول مرة،. بس هذا الماسك بعده نفس التأثير بالنسبة لي.. حتى عقب العلبة الثانية.. هو يفتح البشرة ويعطي نقاء بتحسونه على طول عقب غسل البشرة.. واحب ريحته وايد..
الماسك الثاني مال العسل من سكن فود..ينظف البشرة ويشيل الخلايا الميتة.. حلو..
وهذا جلام جلوو المشهور.. انا جربته مرة في الجامعة وما اقنعني..ومن فترة وحدة من العضوات ذكرتني فيه.. فقلت خلني اجربه مرة ثانية.. وفعلا عجبني.. ينظف البشرة ويسكر المسام بطريقة ملاحظة.. مشكلته غالي والعلبة وايد صغيرة.. بس روعة..
وهذا اخر تجاربي.. ماسك الطين.. من سيفورا.. كانوا عاطيني عينة للتجربة وعجبني.. طلبت كذا عينة وكل مرة نفس التأثير.. وآخر شي اشتريته مع انه غالي.. بس وايد حلو وبتشوفون التأثير على طول..
اخر واحد باتكلم عنه هو مال سركة كيهل.. ما ادري اذا ينباع في الامارات.. ماسك الطبشورالابيض لتنظيف المسام.. وايد حلو.. وهالشركة أغراضهم حلوة.. خاصة مرطباتهم ما استغني عنها الصراحة..
انا اشوف وايد بنات يشتكون من المسام الواضحة.. وانا احس أحسن علاج هو الماسكات الأسبوعية اللي تنظفها وتسكرها.. جربوا وشوفوا
الحين اذا حد مجرب شي يديد وشاف منه فايدة يخبرنا.. خلونا نفيد ونستفيد..
انا جربت ماسك glam glow روعه وممتاز وفعلا سعره يعتبر غالي مقارنة بحجم العلبه
كل منتجات kiehls ممتازه الكريمات والماسكات واللوسيونات …….انا اشتريه من لندن
ماسك الطماطم هذا شكله مغري بس بصراحه ما جربته لين الحين يبالي اجربه احب المنتجات الكوريه واثق فيها بصراحه خاصه لو من محلات او ماركات معروفه
بالنسبة للماسكات جربت وايد ومثلج احب المنتجات الكوريه
وهذي تجربتي من السنه اللي طافت 
حطيت مشاركتي قبل في موضوع المشتريات
منتجات كورية .. بعد التجربه 
اول شي كريم او ماسك الطماط كريم رهيب يبيض ويصفي وينعم خذته لان جسمي عقب الحمل والولاده وايد صار اسود
لين احين النتيجه زينه يبالي استمر طبعا
( اضافة 2024…. وقفته فترة الحمل السنه اللي طافت ورجعت احطه من كم شهر .. ومثل ما قلتي الماسك ممتاز .. انا طبعا جربته على الجسم )
والكرتون الاسود ماسك اللولو الاسود مثل الرغوه يبيض البشره وفيه لمعه وهو الثالث من التوب تن عندهم في كوريا
(اضافة 2024 .. من كثر ما هو حلو اخت ريلي خذته عني 
)
باقي الماسكات اللي تكون شرايح استخدام مره وحده جربت وايد انواع اللي عند محل فيس شوب حلوين
يلا نتريا تجاربكم يا بنات 
فيه وايد ماسكات عجبوني بذكر اللي أتذكره منهم ومع الأسف ما أعرف كيف أنزل الصور فالمعذرة على ذلك .
ماسك هايدرا إنتنس من لانكوم( Hydra Intense) رائع لترطيب البشرة, أحس وجهي مترطب طول اليوم, أستخدمه مرة في الأسبوع.( موجود في أريج وباريس جليري )
ماسك Mud Pack Masque من كوين هلين , ماسك من الطين الأنجليزي ,صناعة أمريكية , المفروض لشد بشرة الوجه , ما عجبني كثير لأنه جفف وجهي وايد .(أشتريته من تاجرة ).
ماسك Glam Glow شريته من قريب وما جربته إلا مرة وحدة, عجبني .( أشتريته من عالم التسوق )
ماسك من كلارينس أستخدمته قبل كان لتغذية البشرة , عجبني ولكن ما أستمريت عليه لأنه نفذ من السوق .( من أريج)
ماسك بودرة الذهب والكولاجين والفيتامينات , أستخدمه قبل المناسبات المهمة , رائع جداً ويخلي البشرة ناعمة ومشرقة وشابة وندية وهذا يخلي مكياج السهرة أجمل ( عن تجربة شخصية).( أشتريته من عند تاجرة من المنتدى)
أستخدمت بعد ماسكات من نزهيه بس ما متذكرة الأسماء , بس كانت للترطيب والتغذية وتنقية البشرة.( موجودات في كل فروع نزهيه)
ماسكات VLCC بشكل عام عجبوني .(أنا أشتريتهم من اللولو يوم كانوا مسوين حملة إعلانية لشركة VLCC)
هذه الماسكات اللي أتذكرهم الحين , والمعذرة على الإطالة.
المشاركة الأصلية كتبت بواسطة مبتسمةمتفائلة 
أختي أضفت من وين أشتريتهم .